Hell Yeah!

2005-06-23T14:12:00.000Z

Jæja sæl veriði...
Ég nenni ekki að blogga núna... því ætla ég að helga mig mbloginu í sumar, þar getið þið skoðað myndir af því sem er að gerast hverju sinni...

eblogg.mblog.is

Lag dagsins: Weezer - This is Such a Pity

2005-03-20T20:03:00.000Z

Ég á afmæli í dag, ég á afmæli í dag, ég á afmæli sjálfur, ég á afmæli í dag

já kallinn orðinn 24 ára, og nú verður ekki snúið til baka... 24, 24, over and out yeah!

4 dagar í Danmörk...

Lag dagsins: Stevie Wonder - Happy Birthday

2005-03-01T17:32:00.000Z

Sææælir!

Jæja í dag er merkilegur fyrir margar sakir, fyrir það fyrsta þá er bjórdagurinn, já það eru orðin 16 ár síðan að bjórinn var leyfður. Og svo á nottla félagi Sveini afmæli í dag, 24 ára kallinn... og einnig hann Gunni bróðir sem er 34 ára, hmmm ef að bróður skyldi kalla, var labba í Ármúlanum í dag, var á leiðinni í mat (var á námskeiði hjá Símanum) þá sé ég hann hinu megin við götuna að setja upp skilti (hann vinnur við það) og nottla blístra á hann og vinka eins og sönnum bróðir sæmir, en nei nei hann bara þekkir mig ekki, djöfulsins dóninn! Þannig að ég hringdi í hann eftir matinn og herti hann í bak og fyrir, það lá við að ég óskaði honum til óhamingju með afmælið, en ég kunni nú ekki við það... já eins og segir í máltakinu, bræður eru bræðrum verstir, eða eitthvað svoleiðis, ekki að ég viti hvað það þýðir en mér fannst það kannski passa inní umræðuna. En já svona er þetta... yfir og út!

23 dagar í Danmörk

Lag dagsins: Mars Volta - The Widow

2005-02-14T22:00:00.002Z

Jæja... lítið annað að gera en að blogga smá hérna. Annars er frekar lítið að frétta, Valentínusardagurinn er í dag og allt gott um það segja. Annars vil ég samgleðjast félögum mínum í Green Day fyrir að hafa unnið í gærkvöldi Grammy verðlaunin fyrir bestu rokkplötuna 2004, American Idiot, enda snilldargripur þar á ferð.


Hmmm já horfði á tvær bíómyndir í gær, fyrst Envy (með Ben Stiller og Jack Black) og mér fannst hún helvíti góð, kom skemmtilega á óvart.


Svo síðla kvölds horfði ég á The Grudge, sem endurgerð af japaskri hryllingsmynd, og ég verð nú bara að segja hún er frekar spúgíbúgí, þá sérstaklega fyrir hvað það var alltaf ógeðslegt hljóð í myndinni, hélt manni alveg á tánnum og fékk hárin til að rísa. Já Japanir kunna alveg að gera hryllingsmyndir, þeir mega eiga það.

En ég nú ekki að hafa þetta neitt mikið lengra í bili, enda er það ekki ráðlegt. Hafið það gott

Lag dagsins: Green Day - Whatsername

2005-02-10T23:08:00.000Z

Heil og sæl

Var að enda við að horfa alveg hrikalega leiðinlega og tilgangslausa mynd, dauði og djöfull... var að horfa á The Village, (eftir sama leikstjóra og Sixth Sence, sem er ein besta mynd sem ég hef séð) en þarna gerði indverjinn alveg uppá bak að mínu mati, búinn að fá sér aðeins of mikið af karrí held ég... átti að vera rosalega spúkí og eitthvað en ekki tók ég eftir því, alveg steindauð.
Heyrðu það var nú skemmtilegur dagur í gær, öskudagurinn... með tilheyrandi syngjandi nammisníkjandi krökkum. Ég verð nú að gefa þeim falleinkunn fyrir lélegt lagaval (Bjarnastaðabeljurnar bauluðu mjög mikið í gær!) og metnaðarleysi í búningum. En sumir stóðu sig nú ágætlega og höfðu greinilega æft sig, en ég vil sjá meiri metnað á næsta ári.
Og viti menn, ég og Pozinn erum að fara til Danaveldis í mars, og þá verður sko bærinn málaður rauður (og blár) og það er aldrei að vita nema maður kíki til hennar Siggu ef að tími finnst til :)

jæja annað var það ekki...

Lag dagsins: Mando Diao - Cut the Rope

2005-01-28T13:32:00.000Z

Jæja er eitthvað vit í þessu...held ekki, en samt
Stórfrétt vikurnnar hjá DV er ekki þetta Íraksmál eða neitt í þeim dúr, neeeeiiiii það sko "ást í Idolinu" þrjá daga í röð er það forsíðufrétt að Helgi og Brynja séu orðin par... já þetta er alveg stórmerkilegt, hehe, það verður fróðlegt að sjá hvað þeir skrifa eftir þáttinn í kvöld...
En já er að fara í leikhús á laugardaginn, á Vodkakúrinn í Austurbæ, það verður nú eintóm gleði býst ég við.
Og svona í lokinn þá vil sé benda ykkur þetta, alveg stórmerkilegt... þetta er algjör snilld, en samt geðveiki...

Súper Mario lagið spilað á gítar
Súper Mario lagið spilað á píanó

takk og bless
p.s. til hamingju með daginn Krissa!!!

Lag dagsins: White Stripes - Jolene

2005-01-16T18:44:00.000Z

Heil og sæl... svakalega er þetta eitthvað týpískur sunnudagur... líður bara áfram og ekkert gerist og áður en maður veit af er hann búinn og skilur ekkert eftir sig nema stóra óútskýrða eyðu í lífi manns. En ég er búinn að eignast nýjan vin, og það er sloppurinn minn sem keypti um síðustu helgi, alveg hreint yndislegt fyrirbæri, maður þarf engin önnur föt þegar maður á svona gaur, það er nokkuð ljóst, þvílíkt frjálsræði.
Dreymdi enn einu sinni köngulær í nótt... hvað er málið, í þetta skiptið var það risa tarantúlla sem var búin að gera sér ógurlegt bæli upp í horninu á herberginu mínu, getur einhver ráðið þetta og hvernig stendur á því að mig dreymi endalaust köngulær??? Dreymdi reyndar um daginn að ég væri að hálshöggva hænur með stunguskóflu, á meðan að fjölskylda og vinir söfnuðu hænunum saman og settu þær fyrir fram mig... ekki spyrja mig.
Jæja núna er vika síðan að Sigga fór aftur út til Danmerkur, og heimilið er í rúst.... nei nei, það hefur aldrei litið eins vel út, allt saman undir kontról sko...

Svo vil ég bara segja ykkur að það er komin ný rokkútvarpsstöð, X-FM 91.9

Hmmm eitthvað fleira, held varla, ef þið hafið ekkert að gera í nótt þá getið þig horft á Golden Globe verðlaunin á Stöð 2...

Lag dagsins: Embrace - Gravity

2005-01-13T09:15:00.000Z

Það var heldur leiðinlegur morgun (í morgun) þegar ég var á leiðinni í vinnuna (Síminn, við hjálpum þér að láta það gerast) og ég ætlaði að hlusta á Tvíhöfðann minn á X-inu... eða Skonrokk... en nei það er búið að loka þessum báðum útvarpsstöðum (og Stjörnunni 9.43 líka)... hvað er að gerast, eru menn gjörsamlega búnir að tapa sér þarna uppá Lynghálsi. Svona gerist ef að OgVodafone fær að ráða öllu, þeir eru ekki að standa sig í þessum útvarpsmálum, skítapakk segi ég! Ég verð virkilega svektur ef að þetta á að vera svona, og ég vona að einhverjir góðir menn taki sig saman og reysi þessar stöðvar aftur upp frá dauðum. Nú þarf maður bara að hlusta á Rás 2 eins og í gamla daga.

Ég kveð ykkur með tárin í augunum...

Lag dagsins: Goldfinger - January

2004-12-31T09:40:00.000Z

Gamlársdagur

Jæja... þetta er bara að verða búið, það er að segja árið, eða eins og segir í kvæðinu, Nú er árið liðið í aldana skaut, og aldrei það kemur til með að baka...
Ég vil þakka fyrir gott blogg ár og megi bloggin verða betri og fleiri á nýju ári
Gleðilegt nýtt ár og hafið gott í kvöld, og munið bara þessa 4 mikilvægu punkta, éta, drekka, skaupa og skjóta!

Lag dagsins: Green Day - Boulevard Of Broken Dreams

2004

2004

2004-12-24T17:00:00.000Z

Gleðileg jól!

Ég vil óska þér og öllum hinum gleðilegra jóla og vona að allir verði feitir og fínir í kvöld eftir maraþon steikarát. Elskið friðinn og strjúkið kviðinn...

Lag dagsins: Heims um ból

2004-12-23T22:05:00.000Z

Þorláksmessa...
Skötudagur enn eina ferðina runninn upp, og lítið sem maður getur gert við því. Eða hvað, því í dag voru stofnuð Samtökin BORÐUM EKKI SKÖTU! og þegar ég síðast vissi þá voru meðlimir orðnir 7... Nokkuð gott, þannig að ég var að spá að stofna ný samtök á morgun, Samtökin BORÐUM EKKI RJÚPU Á JÓLUNUM ÞVÍ ÞAÐ ER BARA RUGL (skammstafað BERÁJÞÞEBR) ég hugsa að það gætu verið sterk félagasamtök. Annars er bara rólegt í vinnunni þessa stundina, og bara rétt klukkutími eftir...

en þangað til hafið það gott... á morgun koma jólin og þá mun ég koma með einhvern jólapistil...

Lag dagsins: Laddi - Ég fer alltaf yfir um jólin

1 dagur til jóla... Kertasníkir kemur í nótt...

2004-12-12T22:02:00.000Z

Geisp.... já menn eru þreyttir á sunnudagskvöldum, enda mikið um að vera hjá kallinum um helgina. Fórum á Hárið í gær, þ.e.a.s. ég, Siggi, Anna María og Guggi, ég var nú reyndar búinn að fara áður í sumar og Guggi líka, en hvað með það. Fengum okkur pezzu á Horninu áður við fórum á sýninguna, og var hún bara prýðis fín skal ég segja ykkur. Guggi mætti með dýrari týpuna af spilandi jólabindi sem gerði mikla lukku. Við vorum í smá tímaþröng, (því við þurftum að koma við í Háteigskirkju á leiðinni) og var maturinn étinn á mettíma. Sýningin var fín (fannst hún reyndar betri í fyrra skiptið sem ég sá hana), fullt af túttum og typpum. Svo þegar því var lokið var ferðinni heitið í höfuðból hnakkanna, já 1 2 Selfoss á ball með Sálinni. Reyndar urðu fyrst nokkrar mannabreytinar, Sigurður hélt heim á leið, en Maren Rós kom sterk inn af kanntinum og Guggi settur undir stýrið. Og svo var ekið af stað. Sumir voru heldur eigingjarnir á eplasnafsinn og létu ekki flöskuna af hendi, já eða af vörum. Svo þegar komið var á Selfoss, eða í Hvíta húsið þá var dansinn stiginn nokkuð þétt fram eftir nóttu, annars var liðið þarna frekar sjekí að sjá enda spes þjóðflokkur, en sjálfsagt vænsta fólk svona inn við beinið. Lauslátt kvennfólk og nördalegir gaurar var svona megin þema kvöldsins. Allt fór þetta þó fram mjög frið og siðsamlega. Einhverjir samskipahnökrar voru þó innan hópsins og erfitt reyndist að finna fólk aftur ef maður brá sér frá, en það bestnaði nú eftir því sem leið á. Þegar Sálverjar höfðu lokið sér af langaði okkur til að flýta okkur heim enda löng leið fyrir höndum og fólk orðið misdasað. Fengum ferðafélaga á heimleiðinni, en það var enginn annar en Guðmundur Jónson gítargúrú Sálarinnar. Við skutluðum honum heim (ef þið viljið vita hvar Gummi á heima þá, sendið mér þá bara meil.) Það skal ósagtlátið hvort hann fór einsamall heim eða ekki. Hann gleymdi líka nýja U2 disknum sínum í bílnum hjá Gugga, hann er sjálfsagt mjög sár því hann lofsamaði diskinn alla leiðina, en honum verður komið til hans. Því næst lá leiðin upp á Skaga, með stuttu stoppi í Sjelekt.
Meira síðar...

Lag dagsins: U2 – A Man and a Woman

12 dagar til jóla... og Giljagaur kemur í nótt...

2004-12-09T20:40:00.000Z

Og það var ekki fyrr en ég sá bílinn að hann var blár, og talandi um það, þá var mér hent á nýliðanámskeið hjá Símanum í gær, allt gott með það, þurfti ekki að gera mikið annað en að sitja og fylgjast með glærusjói. Nú eftir það fór ég í Smáralindina, reyna að nota síðustu dagana sem ég er maður einsamall til að versla eitthverjar jólagjafir handa konunni. En ég var samt ekki búinn að fara upp einn rúllustiga þegar ég sé Birgittu Haukdal og Dr. Gunna á sömu 5 sekúntunum, það er þá þarna sem fræga fólkið heldur sig, og þau voru ekki að árita... svo lá leið mín á klósettið, en ég sneri við það út aftur med de samme, því að það hafði greinilega einhver ekki hitt oní því það var risa lelli útflattur á gólfinu, alls ekki fögur sjón að sjá fyrir mann á mínum aldri...
Þannig að ég dreif mig þaðan út og kom við í höfðustöðvum Norðurljósa og sótti þar Jan Mayen geisladisk sem ég vann á X-inu fyrir nokkrum vikum síðan, svo var ég næstum búinn að keyra á Sigga storm á leiðinni útaf svæðinu, en hann rétt slapp.
En meira um það seinna, sæl að sinni.

Lag dagsins: Jan Mayen - On a Mission

15 dagar til jóla...

2004-12-06T18:31:00.000Z

Station helgi... alveg bara
Jæja það var tekið vel á því á um helgina, byrjaði strax eftir vinnu á föstudaginn, þá lá leiðin á Hótel Glym sem staffinu í Símanum á jólahlaðborð. Þar var étið vel og innilega og drukkið með, fínasti matur, ég fékk mér meira að segja önd. Þegar við komum uppá Skaga aftur þá var komið við á Mörkinni svona til klára kvöldið. Nú á laugardeginum þurfti að hafa eitthvað fyrir stafni, ekki þýddi að að sitja heima og bora í nef. Nú var NASA málið, Sálin lék fyrir dansi þar og stóðu sig vel. Siggi Trukkur, Árni, Anna María og Silvía Llorens voru með í för, en svo bættist Guggi við hópinn, en hann var að hlýða á Stranglers fyrr um kvöldið. Fín stemmning, mikið drukkið og allir voru helvíti fullir (nema Anna, hún var einkabílstjóri, og keyrði okkur um á eðaldrossíunni). Fishermans Friend var teigaður vel og innilega, enda mikið kvef í gangi. Mikið af eðaltöppum voru á svæðinu, eins og t.d. Ívar Guðmunds, Valtýr Björn, Ásgeir Kolbeins og einhverjir fleiri sem man ekki eftir... sumir skoruðu, sumir ekki... en hér eru örfár myndir
Það var því heldur mikil þrekraun að vakna á sunnudeginum, rífa sig upp og gera sig klárann fyrir annað jólahlaðborð, og í þetta skipti var það hele familien sem át allt sem til var á Rauðará. Allt frá grafinni gæs upp í hamborgarahrygg... Góður matur, góður staður, góður draumur maður...
Þá er maður bara búinn að stikla á stóru, fleira verður ekki gefið upp...

Lag dagsins: Maus - Over Me, Under Me

18 dagar til jóla...

2004-11-27T21:49:00.000Z

Ég ber ekki ábyrgð á gjörðum þessa manns... en hann gengur víst laus, og þótti eiga prýðis góða spretti í sumarbústaði einum hér uppí sveit fyrir ekki svo löngu, fín ferð í alla staði, hef ég heyrt...

Lag dagsins: Jimi Hendrix - Hey Joe (Jimi hefði orðið 62 ára í dag)

27 dagar til jóla...

2004-11-24T21:09:00.000Z

Langaði bara rétt aðeins að líta hér við og kasta kveðju á hana Beggu en hún er 23 ára í dag... til hamingju með það!! Hún hefur sjálfssagt haldið uppá afmælið á Akureyri með því að fá sér pulsu með rauðkáli... en allavega bestu kveðjur norður!

Og þar sem að það eru bara mánuður til jóla... þá ætla ég að byrja að telja niður

Lag dagsins: Libertines - Begging

30 dagar til jóla...

2004-11-21T16:21:00.000Z

Best gera eitthvað hérna...
Var að koma af körfuboltaleik, en þar áttust við botnlið 1. deildarinnar Skaginn og Ármann/Þróttur, bjóst ekki við að ég myndi meika það að mæta á leikinn en hann var kl. 14:00, þar sem ég var á djammi og djúsi í gær, en ég kem að því síðar. Alla vega þá vann Skaginn sinn fyrsta leik í vetur, 93-80 (minnir mig) og átti félagi Sveinbó nokkra góða spretti. Sem sagt fyrstu stigin komin í hús hjá Skaganum, sem dugir reyndar ekki til að koma þeim úr botnsætinu, en þetta er bara byrjunin.
En já eins og ég kom aðeins inná hérna áðan, þá skellti ég mér í djammskóna í gær og var stefnan tekin á Sálina hans Jóns míns á Breiðinni, og þar var nú margt um manninn, verulega stappað og vel sveitt. Fínasta stemmning verð ég að segja... og hérna eru nokkrar myndir af ballinu sem ég tók á símann minn.

Man ekki hvað ég ætla að segja meira... þannig að hafið það bara gott

Svo vil ég minna á Beach Boys í kvöld...

Lag dagsins: Beach Boys - Good Vibrations

2004-11-09T22:14:00.000Z

Langaði bara að deila þessu með ykkur.... þetta er algjör SNILLD

takk og bless

Lag dagsins: Placebo - Bubblegun

2004-11-08T21:14:00.000Z

Jæja gott fólk... eru þið gott fólk? ef svo er látið mig þá vita... En alla vega þá gerðum við Sveini okkur fína ferð á laugardaginn, kíktum á Pozann á Laugarvatni, skoðuðum cribbið hans, þar sem hann ræður ríkjum og ríður tíkum, ehhhhmmmmm eða eitthvað svoleiðis. Komust að því að herbergisfélagi hans er einn mesti Nylon fan á landinu, á diskinn og allt sko... Kíktum aðeins í körfu um daginn, og chilluðum bara þarna á vistinni á laugardagskvöldinu. Svo í gærkvöldi buðu mamma og pabbi allri fjölskyldunni út að borða (17 svöng stykki) á Fjörukránni í Hafnarfirði, fínasti staður það, og voru þau að fagna því að núna er salan á Svarfhóli loksins frágengin og búið að skrifa undir allt. 28 ára starfi lokið í sveitinni og þau gömlu eru að flytja í Kópavoginn (í Rjúpnahæð) í Penthouse íbúð á 15. hæð, með svölum allan hringinn og heitum potti á svölunum... Þetta er hæsti staður á Reykjavíkursvæðinu, þannig að maður sér yfir alla Reykjavík eins og hún leggur sig, ekki amalegt útsýni það. En þau flytja nú reyndar ekki fyrr en næsta vor. Þeir sem hafa séð nýju auglýsinguna frá Digital Ísland, þar sem allir standa uppá húsum, þá er þetta rauða og hvíta blokkin sem kemur í endann á þeirri auglýsingu. Alveg hreint prýðiskvöld verð ég að segja... alveg milljón...

En já annars er nú ekki mikið að segja, nýja vinnan gengur bara vel og ég er alveg fíla mig í þessu.

Og svona að lokum þá vil ég bara útnefna afmælisbarn dagsins hér með, en það er leikkonan Tara Reid, og er hún 29 ára í dag. En hún fagnaði þeim tímamótum um helgina með því að sýna á sér annað brjóstið...

Lag dagsins: Nylon - Bara í nótt

2004-10-25T19:40:00.000Z

Jú mikið rétt það er kominn 25. október 2004 og hvað þýðir það, jú hann Gunnar er orðinn stór strákur, hann er nebbla 25 ára í dag! En þessi mynd er einmitt tekinn þegar hann fagnaði þessu stóra áfanga :) Og svo er það bara kaffi og kökur á eftir... vona ég :)

En já þjónustufulltrúinn mætti galvaskur til vinnu í morgun kl. 9, og svei mér þá að ég hafi ekki bara selt Símann, eða svo gott sem, ég lofa alla vega að selja á næstu dögum :) Skjár 1 mætti og tók viðtal við kallinn á sínum fyrsta degi, enda ekki á hverjum degi sem slíkir eðal menn taka til hendinni.

En nóg um það, ég er farinn... þið ráðið hvort þið komið með eða ekki...

Lag dagsins: Eric Prydz - Call On Me

2004-10-21T22:10:00.000Z

Við rjúfum þessa útsendingu vegna áríðandi tilkynningar, hún Lilja á afmæli í dag og vil ég biðja fólk að standa á lappir og gef henni gott klapp... takk fyrir...
Fór í bíó áðan á Blindsker sem er heimildarmynd um Bubba Morthens eins og kannski flestir ættu að vita... alveg þokkaleg mynd, en ég bjóst nú við meiru, fannst hún soldið óskýr mikið hlaupið yfir sögu og mörgu sleppt, enda kannski ekki annað hægt því mikið um að fjalla og þyrfti hún að vera helmingi lengri til að geta fjallað um allt. Svo fannst mér of lítið af gömlum myndum. Margar góðar klippur frá Hemma Gunn og Poppkorni í umsjá Jóns Ólafs og Stebba Hilmars, svo var Sigmundur Ernir alveg einstaklega hommalegur í einhverri tíglapeysu að taka viðtal, en best var þegar Þorgeir Ástvaldsson var að kynna eitthvað með Bubba, en það var risastórt blóm fyrir framan hann og þurfti að beygja hausinn til sjást í mynd, það var æðislega fyndið... en ágætis mynd þrátt fyrir allt.

Síðasti dagurinn á morgun í vinnunni... klöppum fyrir því...

Lag dagsins: Bubbi Morthens - Blindsker

2004-10-20T23:08:00.000Z

Bráðum koma blessuð...
Jæja ég heyrði fyrsta jóladjingulið í dag, já gott fólk, jólaauglýsingarnar eru byrjaðar og enn rúmir tveir mánuðir til jóla... þetta er bil...
Jæja í dag gerði ég eitthvað sem ég hef aldrei gert áður, sagði upp vinnunni minni hjá Trésmiðju Þráins... einhverntíman er allt fyrst, því að þannig er mál með vexti, að þeir hækka... nei ég meina ég er kominn með vinnu hjá Símanum, og ég held að mitt offical working class hero stage name á nafnspjaldinu sé Þjónustufulltrúi, virðulegt heiti þykir mér... og byrja ég þar á mánudaginn... þannig að engin dónasímtöl á minni vakt!

Lag dagsins: Groove Armada - I See You Baby!

2004-10-19T20:42:00.000Z

Ætli ég verði ekki að fara herða mig í þessu... bloggheimar hafa eignast 3 nýja bloggara... eða réttara sagt endurheimt 2 og fengið 1 nýjan... en það eru Gunni, Gummó og Tryggvi og munu þau sjá um að trylla lýðin næstu vikurnar með hápólítískum og málefnalegum umræðum um daginn og veginn...
Annars held ég bara að veðrið sé að ganga af göflunum, það er ekkert sérlega spennandi að keyra til Reykjavíkur á morgnanna til að vinna og sjá allar rúturnar og bílana á hvolfi fyrir utan veginn...
Kynntist nýrri hljómsveit í dag, sem heitir Rooney (ekki eftir Wayne Rooney, ekki frekar en að Keane sé skýrð í höfuðið á Roy Keane) en hún er frá Los Angeles er búin að gefa út einn disk og er ég einmitt að hlusta á hann núna og líkar vel...

Sem sagt... veður vont, bjór gott!

Lag dagsins: Rooney - I'm a Terrible Person

2004-09-28T22:06:00.000Z

Hvar er konan mín!!

Jæja þá er betri helmingurinn floginn á vit ævintýranna í Danmörku og mun hafast þar við fram að jólum...

Lag dagsins: GCD - Flugleiðablús

2004-07-28T12:21:00.000Z

Hver er maðurinn?

24 24 over and out yeah! Það er hann Lúlli sem er afmælisbarn dagsins, 24 ára kappinn... Reyndar var mjög svo hörð keppni um titilinn því að Birgitta Haukdal er 25 ára í dag, en hún þurfti að láta í minni pokann, enda Lúlli með svaðalegan poka...

Lag dagsins: FM957 Allstarz & Paparnir - Sólstrandargæji

2004-07-23T17:48:00.000Z

Jæja fallega fólk... smá föstudagsþraut...

Finnið þrjár villur...

Afmælisbarn dagsins er ofurrokkarinn og gítarhetjan Slash (Guns N' Roses, Velvet Revolver og Slash's Snakepit) en hann er 39 ára í dag...

Lag dagsins: Guns N' Roses - November Rain

2004-07-20T21:40:00.000Z

Þvílíka veðrið maður... maður er næstum að fá leið á sólinni, nei kannski ekki. Aron kom á föstudaginn, viku of seint því hann ætlaði að koma á Írsku daganna, en það klikkaði eitthvað, en loks kom hann og þá var kátt í höllinni, Sigga farin í útilegu með stelpunum og við strákarnir réðum ferðinni á Krókatúninu. Á laugardaginn var alveg klikkuð bongó blíða, og þá fórum við (ég, Aron, Gunni, Tryggvi, Svandís og Harpa) niðrá Langasand, eftir miklar vanaveltur um hvort við ættum að fara í fótbolta, en þar sem við vorum frekar fáliðuð þá varð ströndin fyrir valinu. Byrjaði með voða saklausu rölti um ströndina en endaði með því að Svandís var stungin í fótin af RISAmarglittu. Eftir smá busl í fjöruborðinu, rifu allir sig úr og fóru í strandvarðarleiki og ýmislegt annað, reyndar náði ég ekki að fara úr áður en ég blotnaði og eftir að ég lenti harkalega á hafsbotninum við það að reyna blotna ekki fækkaði ég fötum og tók almennilega á sjónum. Þegar við höfðum smakkað á sjónum í dágóða stund fundum við RISAmarglittu sem var hálfströnduð í fjörunni, en hún var á stærð við bíldekk, og Gunni prófaði að pota í hana með priki til að athuga hvort að hún væri lifandi og til að svara því stakk hún Svandísi í fótinn, en því miður þá var engum mál að pissa... En svo drifum við okkur heim því við vorum á leiðinni uppá Fögrubrekku í mat til Gunnhildar, en hún bauð okkur þangað í tilefni afmælis síns. Þegar við komum þangað beið okkar dýrindis matur, innbakað lambafill með öllu tilheyrandi. Og eftir að allir voru búnir að éta á sig gat og meira en það, þá var borinn fram eftirréttur, og var það sjúffle (held ég) allt saman algjör sjúkheit. Svo tók við almenn drykkja og stóð hún langt fram á nótt, eða þangað til að við Aron röltum okkur heim og tók það góðan klukkutíma enda leiðin löng, en á leiðinni fundum við ýmislegan varning, t.d. 2 úlpur (en þær pössuðu ekkert) eitthvað fleira. Þegar við loksins komu heim kenndi Aron mér að gera Brambert, sem eru pylsur (nei það er Uuuuu) með meira en öllu, reyndar átti ég ekki bakaðar baunir en þrátt fyrir það voru þetta dýrslegar pulsur. Sunnudagurinn fór í chillað chill með chilluðum chilli... Þegar Sigga kom heim þá grilluðum við og eftir matinn þá hélt Aron heim á leið til Bíldudals. Svo horfðum við á Shrek 2 um kvöldið, hún var ágæt en mér fannst fyrri myndin mikið fyndnari.

Allavega takk fyrir og bless og Chris Cornell (söngvari Soundgarden, Audioslave og Temple of the Dog), til hamingju með fertugsafmælið

P.s. Franz Ferndinand heldur tónleika hérna á Íslandi í desember!!!

Lag dagsins: Chris Cornell - Can't Change Me

2004-07-11T20:11:00.000Z

Fín helgi að baki, Írsku dagarnir gengu mjög vel held ég , tæplega 10.000 gestir í bænum og svaka stuð. Hápunkturinn var svo á laugardeginum, en þá buðum við í svaka partý, mikil gleði og margt um manninn. Fólk kom meira að segja alla leið frá Vestmannaeyjum. Farið var í marga skemmtilega leiki, og sló leikurinn "bank bank" ærlega í gegn. Svo þegar líða tók á nóttina voru flestir orðnir frekar dansóðir og var tími til kominn að skella sér niðrá bryggju og fara á Lopupeysuballið með Pöpunum og Skítamóral. Þegar við höfðum rölt þangað var þvílíkur mannfjöldi að annað eins hefur ekki sést lengi. Mega stemning og allir mjög kátir. Maður sá mörg gamulkunnug andlit sem að maður hafði ekki séð lengi. Svo hitti ég líka Robba bróður og Bergþóru, alveg blekuð að koma úr einhverju brúðkaupi... Ég held að Skítamórall hafi spilað alveg til 4, þannig að gleðin stóð mjög lengi. Svo þegar allt var búið var komið að því að fá sér að borða, það var svo gríðarlega löng röð á Hlölla að ég varð að fá mér vöfflu í Vöffluvagninum á meðan ég beið. Svo þegar Sigga kom með Hlöllana okkar var hún búin að týna kortinu mínu, og ekki nokkur leið að finna það aftur þarna í öllum fjöldanum, þannig að ég hringdi og lét loka því. Þegar snæðingurinn var búinn þá röltum við heim, ég, Sigga, Anna og Ólöf... reyndar bar ég Önnu Láru á bakinu heim. Svo þegar við voru næstum komin heim (rétt hjá rúnt beyjunni) þá hittum við Davíð Minnar og Birgittu og þau sögðust hafa fundið kortið mitt hjá Verslun Guðmundar B. Hannah... hmmm hvernig komst það þangað, maður fær sennilega aldrei að vita það, en ég þakka þeim fyrir að koma kortinu til skila. Fleira verður ekki ritað hér um þetta kvöld, en við látum myndirnar tala sínu máli... takk fyrir mig

Lag dagsins: Hoobastank - The Reason

2004-07-08T20:28:00.000Z

Jæja í gær fór ég í sérdeilis prýðilega ferð til Reykjavíkur, því að ég var að fara á tónleikana með Placebo. Þegar við komum að Laugardalshöllinni (ég og Gunni) þá var biðröð alveg uppá Laugarveg eða allavega langleiðina. Hún gekk þó ágætlega þegar hún fór af stað. Við komum okkur fyrir nokkuð framarlega og biðum þar eftir að allt byrjaði. Maus stigu á svið á slaginu átta, og voru þeir helvíti þéttir, jafnvel bara bestu tónleikar sem ég hef séð með þeim. Þeir spiluðu í 40 mínútur bæði gömul og eitthvað af nýju efni líka. Þeir fá mjög góða einkunn fyrir sína frammistöðu. Svo tók við góð pása á meðan að það var verið að stilla upp öllu fyrir Placebo. Svo klukkan u.þ.b. c.a. akkúrat rúmlega níu byrjaði Placebo showið. Fyrsta lagið sem þeir tóku var Taste in Men, þar sem að "stage" hljóðfæraleikararnir byrjuðu, svo kom hljómsveitin, einn í einu inn á sviðið. Ansi hreint skondnir þessir tveir auka tónleikameðlimir, kall og kona svona bæði á fertugsaldri myndi ég giska á. Og þeim var stillt upp sitthvoru megin við trommusettið og voru bæði með hljómborð fyrir framan sig, þannig að lítið færi fyrir þeim, fengu ekki mikið ljósashow á sig, en svona rétt aðeins. Konan spilað bara á hljómborðið og svo líka tambórínu svona einstöku sinnum. Kallinn hins vegar spilaði á bæði gítar og bassa til skiptis við bassaleikarann, og svo spilaði hann eitthvað líka á hljómborðið. Mjög svo virðulegur kall í jakkafötum og maður myndi ekki trúa því að hann væri að spila með Placebo ef maður sæi hann útá götu. Hins vegar þá spilaði bassaleikarinn, hinn sænski Stefan Olsdal, eiginlega meira á gítar heldur en bassa, og spilaði meira að segja á hljómborð í einu lagi. Söngvarinn og aðal frontinn í bandinu Brian Molko var stífmálaður að vanda og hefði hvaða kona sem er dauðskammast sín við hliðina á honum. Þeir félaganir (Brian og Stefan) þurfa sjálfsagt engar grúppíur, þegar þeir hafa hvorn annan eftir tónleika. Stefan var nefnilega líka málaður um augun, með makara og augnskugga, svo var hann í glimmer hlírabol og með leðurbönd um hálsinn. Og sýndu þeir oft ansi samkynhneiðga tilburði, þó ekki á hvor öðrum. Fyrri hlutann af tónleikunum spiluðu þeir svona frekar óþekkt lög. Og það var ekki fyrr en eftir 9 lög að Brian sagði eitthvað, og sagði meðal annars að Ísland væri Fucking Amazing. Eftir það tóku þeir bara hittara sem að vel flestir þekktu, m.a. Special Needs, With Out I’m Nothing og Special K. Svo voru þeir nottla klappaðir upp þegar þeir "hættu", uppklappið er nottla bara formsatriði. Tóku þá 2 lög til viðbótar en voru klappaðir upp aftur, og þá tóku þeir önnur 2 lög, og enduðu tónleikanna á Nancy Boy (af fyrsta disknum þeirra). Mér fannst samt að þeir hefðu mátt taka einhver coverlög, eins og Where is My Mind eða Bigmouth Strikes Again eins og þeir gera oft.
Já bara helvíti skemmtileg stemmning verð ég að segja og flottir tónleikar, spiluðu í tæpa 2 tíma. Og hafa þeir sjálfsagt haldið til Austurríkis í dag, en þeir eru að spila þar á morgun. Svo horfði ég á DVD diskinn þeirra (Soulmates Never Die – Live in Paris 2003) í dag svona rétt til að rifja upp stemmninguna frá því í gærkvöldi.

Svo ætla ég að setja hérna Setlistann, ég held að hann hafi verið nokkurn veginn svona:

Taste in Men
The Bitter End
Every You Every Me
Allergic
Protect Me From What I Want
Plasticine
Sleeping With Ghosts
Black Eyed
I'll Be Yours
Special Needs
English Summer Rain
Without You I'm Nothing
This Picture
Special K
-uppklapp 1-
Slave to the Wage
Pure Morning
-uppklapp 2-
Centrefolds
Nancy Boy

En svo eru það Írsku dagarnir um helgina, og þá verður nú tekið á því bíst ég við, enda svarti maður á leiðinni í bæinn... passið ykkur!

Lag dagsins: Placebo - Nancy Boy

2004-07-07T17:34:00.000Z

Jæja núna á eftir er maður að fara skella sér á tónleika með Placebo í Laugardalshöllinni og svo eru það nottla Maus sem hita upp og það er nú ekki verra. Þannig er nú það og ekkert meira um það að segja...

Lag dagsins: Placebo - Special K

2004-07-02T23:44:00.000Z

Hvað í ólukkanum er í gangi hérna...

Nú er minn uppgefinn, eða svona allt að því, ekki nóg með það að ég hafi verið alla vikuna að rífa þakið af Fjölbrautarskólanum (eða sko sú bygging þar sem gamli salurinn er) og þar undir hefur verið starfrækt eitt stærsta dúfnavarp á Norðurlöndum síðari ár. Svo í kvöld var ég að hjálpa Ellu að flytja, en hún er að yfirgefa Krókatúnið eftir stutta dvöl en fer ekki ekki svo ýkja langt, heldur uppá Háteig 1, svo eru hins vegar þeir félagar á Kirkjubrautinni að fara leigja íbúðina hennar Ellu, og eru að fara flytja þangað á morgun þannig að það verður nóg af innflutningspartýum á næstunni!!

Skvísan Lindsay Lohan sem lék í stórmyndinni Freaky Friday er 18 ára í dag og bið ég að heilsa henni, en það var hins vegar ofurbomban hún Pamela Anderson Lee Rock eitthvað... sem átti 37 ára afmæli í gær bara svona ef þið væruð búinn að gleyma því...

Marlon Brando: 1924-2004. Vil svo í lokin votta þessum stórleikara virðingu mína, en hann lést í gær..

Lag dagsins: Lindsay Lohan - Ultimate

2004-06-25T20:54:00.000Z

Ertu heyrnadaufur eða hvað!!!

Jæja núna á eftir er ég að fara að vinna niðrá Breið, en þar eru að spila í kvöld engir aðrir en hinir kyngilmögnuðu rokkarar í TÝR frá Færeyjum. Það verður sko tekinn færeyskur þjóðdans á gólfinu þar í kvöld, það er nokkuð víst. Svo á morgun verð ég einnig að vinna í dyrunum á Breiðinni en þá mun hinn ilhýri Páll Óskar leika á plötuspilara fyrir gesti og gangandi. Þannig að það er nóg að gera.

p.s. allir að muna að kjósa á morgun!!

Lag dagsins: TÝR - Ormurinn langi

2004-06-17T21:45:00.000Z

Hæ hó og jibbí jey og jibbí jey, það er kominn 17. júní!

Góðir Íslendingar ég vil óska ykkur til hamingju með daginn. Ótrúlegt en satt þá var bara gott veður á 17. júní, það hefur nú ekki gerst lengi.
Í gærkvöldi var ég að vinna í dyrunum á Breiðinni ásamt einvala mönnum, og það var enginn annar er sjálfur Love Guru sem bauð uppá skemmtidagskrá (1 2 Selfoss!!!) og stóð hann sig með stakri snilld. Reyndar var ég svo heppinn að vinna 4 miða á ballið, en þá vann ég á loveguru.is og var það Love Guru sjálfur sem hringdi í mig kl. hálf 11 í gærkvöldi og tilkynnti mér að ég hefði unnið miðanna, en þar sem ég var að vinna framseldi ég þá til Siggu og hún bauð öllum vinum sínum á ballið.

Lifið heil...

Lag dagsins: Dúmbó & Steini - 17. júní

2004-06-14T18:14:00.000Z

Því miður hef ég ekki getað bloggað neitt uppá síðkastið vegna þess að ég var í fjölmiðlabanni, ég því hefur nú verið aflétt.

Reyndar ekki mikið að frétta hjá mér, allt voða rólegt og sona. En ég vil lýsa yfir áhyggjum mínum með mitt lið í NBA, sem er Los Angeles Lakers en þeir eru að spila við Detriot Pistons í úrslitunum og eru bara að skít tapa, staðan 3-1 og Pistons þarf bara að vinna einn leik í viðbót og þá eru þeir orðnir meistarar, en ég held í vonina og spái því að Lakers vinni næstu 3 leiki og klári þetta með stæl. Og fyrst við erum í íþróttunum þá vil ég einnig spá fyrir um EM 2004 í fótbolta, en hún byrjaði einmitt á laugardaginn var. Ég hef ákveðið að tippa á að Spánn verði Evrópumeistari í þetta sinn, og ef einhver hefur eitthvað á móti því þá má sá hinn sami hundur heita!!

Og svona í lokinn þá vil ég óska honum Rivers Cuomo til hamingju með afmælið í gær en þá varð hann 34 ára. En fyrir þá sem ekki vita þá er hann söngvari og gítarleikari Weezer.

Lag dagsins: Weezer - The Good Life

2004-06-01T20:56:00.000Z

Hvítasunnuhelgin...

Já það var nú ekkert hvítt við þessa helgi, þvert á móti sótsvart, allavega var maður orðin ansi svartur á tímabili... Já þriggja daga helgi veit aldrei á gott, helgin byrjaði rólega en á sunnudaginn (kenndann við hvítt) splæsti Sigga í partý, átti reyndar upphaflega að vera flokkstjórapartý en það var frekar frjálsleg mæting, og ekki laust við að vinur frænda vinar míns hafi litið við :) En partý-ið var samt sem áður gott. Eftir gott skrall og mikla drykkju... og meiri drykkju var haldið á ballið á Breiðinni með Í Svörtum Fötum. Þegar þangað var komið voru menn orðnir frekar sjeikí á því... Eftir 2-3 stóra fannst mínum tími til kominn að skreppa útfyrir og lepja á fersku næturloftinu. Rölti aðeins og settist í brekkuna fyrir aftan Breiðina, þar sem vinnustaðurinn minn er. Grasið var mjög þægilegt og einstaklega hentugt fyrir nætursetu. Hins man ég ekki hvað gerist næst, og veit ég ekki fyrr en ég vakna inná klósetti á Breiðinni, og hálft staffið bankandi á hurðina. Þá var klukkan orðin 4:30 og allir löngu farnir af ballinu. Þannig að ég rölti mér bara heim og lagði mig... má maður leggja sig! En það var verst að hafa misst af því að fara á Hlölla eftir djammið, þar sem hann var staddur hér á Skaganum um helgina, en ég bætti það reyndar upp daginn eftir og fékk mér þynnkuhlölla, þeir eru fínir, mæli með þeim.

Jæja, Paradise Hotel er að byrja...

Lag dagsins: Muse - Blackout

2004-05-29T23:59:00.000Z

Hugguleg!

Já þá er það komið á hreint, það var Hugrún Harðardóttir sem hlaut titilinn fegurðardrottning Íslands 2004, en hún er 21 árs og kemur frá Selfossi (1, 2, Selfoss!!) En hún var einmitt líka fegurðardrottning Suðurlands. Ég er mjög sáttur við þessi úrslit og eftir að hafa horft á keppnina þá hélt ég með henni sko... mega beib!

Í öðru sæti var Sigrún Bender (sem mér finnst alveg skelfing!) og í því þriðja var Halldóra Rut Bjarnadóttir (mjög flott)

meira var það nú ekki gott fólk...

2004-05-29T20:25:00.000Z

Ég er fegurðardrottning...

Jú í kvöld á víst að fara fram Fegurðarsamkeppni Íslands 2004 á Broadway. Og ekkert nema gott um það að segja, þetta er fínasta sjónvarpsefni...
Það virðist ekki nein stelpa vera augljós sigurvegari, en ég ætla að spá að einhver af þessum verði ofarlega... Anna Birta, Halldóra Rut, Hugrún, Sjöfn og Steina Dröfn.

Þetta er svona mín spá, en svo er að sjá hvað gerist... við bíðum spennt!

Lag dagsins: Gunnar Þórðarsson - Tilbrigði um fegurð

2004-05-27T21:50:00.000Z

Here Comes Your Man!!!

Já ég fór á Pixies í gærkvöldi í Kaplakrika og það var bara helvíti gaman. Þau eru spila saman núna eftir 12 ára hlé, eða síðan þau hættu árið 1992, og fannst mér þau pínulítið ryðguð en samt ekkert sem að skemmdi fyrir, enda mjög skiljanlegt eftir svona langt hlé. En þetta voru semsagt mjög fínir tónleikar sem þau héldu fyrir troðfullann Kaplakrikan.

Lag dagsins: Pixies - Debaser

2004-05-23T14:47:00.000Z

Til hamingju Haffi!

Jæja góðann daginn gott fólk. Ég vil óska honum Haffa frænda (hann er sonur Bjössa bróður míns) til hamingju með Norðurlandameistaratitilinn í körfubolta, en hann var að keppa með með U16 landsliðinu í Svíþjóð. Og Ísland vann einmitt Svía í úrslitunum 86-55 núna í morgun, glæsilegur árangur það. ÁFRAM ÍSLAND!

Lag dagsins: Green Day - Basket Case

2004-05-22T17:29:00.000Z

Núna ætla ég að segja ykkur frá þegar ég var kallaður á fund Hr. Hollywood og þegar hann bað mig um að taka að mér hlutverk í kvikmynd nokkurri... Allavega, þá var ég að leika (sem aukaleikari) í kvikmyndinni Guy X sem var að hluta til tekin upp hér á Íslandi, nánar tiltekið á Gufuskálum á Snæfellsnesi. Myndin gerist að mestum hluta í bandrískri herstöð á Grænlandi 1979, og fjallar um hermann sem á að vera sendur til Hawaii en er einhverja hluta vegna sendur óvart til Grænlands, en það er ekki hægt að senda hann tilbaka því að það er búið að eyða öllum gögnum um að hann sé til, þannig að hann er fastur þarna... meira veit ég ekki. Það er enginn annar en stórleikarinn Jason Biggs (American Pie myndirnar), eða Biggi eins ég kýs að kalla hann, sem fer með aðalhlutverkið í þessari mynd. Aðrir leikarar eru Jeremy Northam (Gosford Park, Enigma, Happy Texas), Natascha McElhone (Killing Me Softly, The Truman Show), Michael Ironside (Top Gun, Starship Troopers), ásamt fleirum sem ég veit ekki hvað heita. Einnig leikur Hilmir Snær Guðnason í myndinni. Ég fór tvisvar til að leika (27. apríl og 4. maí) og fórum við með rútu eldsnemma um morguninn og komum heim seint að kvöldi. Veðrið var frekar leiðinlegt, mjög kalt, sem var frekar vont þegar maður þurfti að standa mjög lengi kyrr. Allir voru búningaðir upp í hermannajúníform og sumir þurftu meira að segja að fara í klippinu ef þeir voru með of mikið hár, þannig að þetta var alveg eins í hernum. Við lékum í þremur atriðum á þessum tveimur dögum, en þau taka örugglega ekki meira en samtals 5-10 mínútur í myndinni. Þegar ég segi "við" þá á ég við alla hina aukaleikarana sem voru u.þ.b. 100-150 (nenni ekki að telja þá alla upp). En sumir fengu að snerta meira en aðrir...

Seinni daginn þá áttum við að vera í strandpartý (á Grænlandi) og það var -2 C° frost, en það var þó sól (þangað til að það fór að snjóa sennipartinn.) Og það áttu allir að láta sem að það væri voða hlýtt, því sumir áttu að vera í hlýrabolum og stelpurnar á bikíni. Þeir ætla að reyna að klippa mesta horið út...
Reyndar var ég næstum búinn að slá í gegn í myndinni, þegar átti að fara taka upp atriði sem átti að gerst síðar í strandpartýinu þegar allir voru orðnir dauðadrukknir og ælandi. Því að ég átti að leika kærustupar (ásamt annari stelpu), og frægðin plasti yfir, en þá var breyting á og allir þeir sem komu með rútunni áttu að fara heim því klukkan var orðin margt. Þannig að tækifæri lífs míns var hrifsað af mér, en það kemur að því síðar...
En þetta var mjög gaman að fá að taka þátt í þessu, svo fékk maður líka smá pening fyrir þetta og skrifaði undir samning, þannig að ég sé ekkert að því að ég kalli mig atvinnuleikara. Og svona rétt í lokin þá er áætlað að myndin verði frumsýnd fljótlega á næsta ári. Þannig var nú það krakkar mínir :)

P.S. ég vil óska Gummó innilega til hamingju með stúdentinn!!

Lag dagsins: Status Quo - In the Army Now

2004-05-19T20:03:00.000Z

Ætli maður þurfi ekki að segja eitthvað hérna... Voða lítið að gerast þessa daganna, sumarið virðist vera að koma, alla vega þarf maður að fara slá garðinn bráðum. Já Eurovision var um síðustu helgi, og ekki unnu við Íslendingar frekar en áður heldur höfnuðum við í 19. sæti enda áttu við aldrei sjens í þessa einokun hjá Balkanskaga löndunum. Ruslana frá Úkraínu vann þetta örugglega á endanum, en sjálfur hélt ég með Póllandi en það lag varð ekki ofarlega á stigatöflunni frekar en aðrar vestrænar þjóðir. En þetta er nú alltaf hin fínasta skemmtun og góð ástæða fyrir því að detta í það. (Hvenær ætla Færeyjar að taka þátt???).
Horfði á rosalega mynd um daginn sem heitir Wild Things 2 (veit ekki afhverju þetta er mynd nr. 2, það eru ekki sömu leikarar, þetta ekki framhald...) en þessi mynd snýst um það að allir svíkja alla og maður veit ekkert hver er með hverjum í liði (reyndar er það frekar augljóst hvað gerist) Mjög svo vond mynd í alla staði en gaman af henni samt sem áður og í henni er eitt fyndnasta atriði sem ég hef séð, þegar einn gaur stekkur út úr flugvél með fallhlíf en þegar hann togar í spottann þá er búið að fylla fallhlífina með dagblöðum og þau þyrlast útum allt, alveg hreint magnað atriði...
Bróðir Aron er búinn að vera hérna á Krókatúninu síðan á sunnudaginn í stuttu stoppi áður en hann heldur heim til Bíldudals.

annars þakka ég fyrir í bili, ég er svo þreyttur að ég nenni ekki að skrifa meira... jess! frí á morgun!

Lag dagsins: Hoffman - The Others

2004-05-14T21:22:00.000Z

Góðir Íslendingar!

Sökum þess að tölvan mín hefur verið biluð núna í næstum 3 vikur þá hef ég ekki getað stundað bloggið mitt. En hún er núna kominn heim til sín aftur og innan tíðar mun bloggið hér byrja á ný. Ég vona að þetta hafi ekki valdið neinum óþægindum hjá fólki. Og vegna þessa máls sé ég mig ekki fært að mæta í konungsbrúðkaupið hjá Friðrik og Mary.

P.S. Til hamingju með afmælið Óli (ekki skrifa undir neitt!)

Lag dagsins: Marilyn Monroe - Happy Birthday Mr. President

2004-04-25T20:53:00.000Z

Já gott fólk... enn einn sunnudagurinn að kvöldi kominn og ný vinnuviku byrjar stundvíslega í fyrramálið... en hvert var ég kominn, já miðvikudaginn síðasta (síðasta vetrardag) þá var matarklúbbskvöld í Gýpu, sem var haldið hjá Hörpu í Eskihlíðinni (Elli skrítni var ekki langt undan). þar fengum við að borða þennan fína Mexico fisk. En þar sem Olli er svo mikill undirheimahundur þá var hann búinn að redda miðum fyrir alla á Sumardjammball á Breiðvangi með hljómsveitinni Í Svörtum Fötum. Fínasta ball þar á ferðinni. Tókum svo Taxa niðrí bæ eftir ballið og heimsóttum Hlölla og fórum svo heim, eða sko við Sigga gistum hjá Olla og Svandísi. Daginn eftir vakti sólin okkur á Sumardaginn fyrsta (getur einhver nefnt mér hvenær var síðast sól á þeim degi?) Við notuðum sólina og grilluðum um kvöldið með Sveina og Guðrúnu (einskonar síðasta kvöldmáltíðin með Sveina) og þegar líða tók á kvöldið komu fleiri og við spiluðum Fimbulfamb.
Gerði ekki svo mikið um helgina... var að vinna á Breiðinni í dyrum á laugardagskvöldið, þegar Páll Óskar var að DJ-a og frítt inn, fullt hús og voða gaman, mikil fyrirferð á Sigurði en það var nú allt í góðu.

Svo flaug Sveini burt af landinu í dag og óska ég honum alls hins besta í hinni stóru Ameríku... vonandi kemur hann heim einhverntíman aftur...

Lag dagsins: Marcy Playground - Bye Bye

2004-04-20T20:04:00.000Z

20:04 20.04 2004

Þvílík dagsetning sem er í dag gott fólk, hún er alveg hreint mögnuð... síðast þegar það var svona dagsetning þá átti ég afmæli (20.03 2003)...

Já annars var ég að skoða hvaða hljómsveitir verða á Reading/Leeds Festivalinu í ár, og mig drullu langar að fara aftur núna (ég fór sko á Leeds 2002 og þar voru bönd eins og Guns N' Roses, Weezer, Muse, Foo Fighters, White Stripes, Strokes, Ash, Incubus, Hives, Dandy Warhols, Hundred Reasons, Vines, Offspring, Prodigy, Sum 41, Goldfinger... og fullt fullt fleiri). En allavega þá er búið að tilkynna hverjir "headline-a" en svo á fullt eftir að bætast við. Þetta eru semsagt: Darkness, Green Day, Ash, White Stripes, Franz Ferdinand, Hives, Offspring, Funeral For a Friend, Lost Prophets, Vines, Placebo, Supergrass, Hundred Reasons... þannig að þetta er helvíti flottur pakki, en það er reyndar orðið löngu uppselt á Reading en ennþá til miðar á Leeds. Þetta er 27.-29. ágúst, þannig að nú er bara um að gera að vinna í Lottóinu og skella sér svo út á þetta!

Annars er það ekkert meira í bili... nema að júdensvænið Adolf Hitler er víst fæddur á þessum degi og hefði orðið 115 ára í dag, en það fór nú eins og það fór... Og svo er það súperbeibið hún Carmen Electra sem er 32 ára í dag, nokkuð nett...

Lag dagsins: Probot - Red War

2004-04-18T21:57:00.000Z

Helgin sem var...

Á föstudaginn fór ég í bæinn, ásamt Siggu, Gummó og Árný og hittum þar Aron og Hörpu... við fengum okkur að borða á Pizza Hut (ég mæli með BBQ pizzunni). Eftir matinn fóru stelpurnar í leikhús (nema Árný... hún fór í eitthvað náttfatapartý held ég) og við Aron fórum og hittum Sveina, en við ætluðum að fara á Jack Live tónleika á Gauk á Stöng með Maus, Úlpu, Mammút og sænsku hiphop sveitinni Timbuktu. Við chilluðum heima hjá Sveina á meðan stelpurnar voru í leikhúsinu, við Aron fórum meðal annars í NBA Live 2004 í PS2 og ég verð að segja að ég stóð mig bara nokkuð vel í því... Uppúr miðnætti fórum við niðrá Gauk og hittum stelpurnar þar. Við þurftum ekkert að borga okkur inn, að ég og Aron höfðum fengið 6 fría miða á X-inu, og þar sparaðist nú bara 4.800 kall. Hiphoparnir í Timbuktu byrjuðu kvöldið og voru eitthvað að hiphopast, sossum ágætir. Næst spiluðu Mammút en þau unnu Músíktilraunir í ár og stóðu sig bara þokkalega miðað við aldur (en þau eru flest öll 15 ára, og máttu strangt til tekið ekki vera þarna inni...).

Svo steig Úlpan á svið og voru þeir helvíti góðir, spiluðu fullt af nýju stöffi, ásamt þeirra þekktu lögum (Dinzl og Fram að 3. degi). Flott tónleikaband.

Það voru svo Mausarnir sem enduðu kvöldið og gerðu þeir það með glæsibrag. Þeir tóku líka nýtt efni sem var alveg þrusugott. Eina slæma við kvöldið var að það var soldið langt, og maður var orðinn frekar lúinn að standa í hátt í 4 tíma. Eftir þetta fórum við á Nonnabita til að hitta Guðrúnu, en hún var að koma af lokahófi KKÍ og kom hún með okkur heim. Stoppuðum að sjálfsögðu í Select til að fá okkur pylsu (því þessi samloka var nottla ekki neitt...). Og fórum ég, Sigga og Gummó aftur uppá Skaga og vorum komin þangað svona um 5 leytið.

Núú, á laugardagskvöldið hinsvegar þá komu Sveini og Guðrún til okkar og byrjuðum við á því að borða á Café 67 (alltaf úti að borða) fékk mér BBQ grísasamloku (voða mikið BBQ eitthvað þessa helgi) og það var mjög fínt. Þegar við komum svo heim aftur kenndi Sigga okkur eitthvað teningaspil sem heitir Mæja (eitthvað sem hún lærði útí Danmörku) og er frekar sjeikí spil sem gengur útá að ljúga að vinum sínum... en eftir smá spilerí í því þá fór fleira fólk að koma og þá var farið í Fimbulfamb, sem er ansi skondið spil (sérstaklega með bjór í hönd) Dæmi:

Prakka: "Ómagi sem dansar steppdans er að prakka..."
Grámagaflím: "Rauðmagi sem er stökkbreyttur og syndir bara afturábak..." eða "Erjur í fiskþyrpingu..."
Þekta: "Skán á mjólk, sem var tekin af notuð til að þekja tré..."

En fólk var ekki alveg að kaupa þessar útskýringar... Eftir spilið var svo meira drukkið og þá komum við Olli sem tónlistaratriði, sem var "Góða mamma" spilað á 3 bjórflöskur og vakti það gríðarlega kátínu. Svo fórum við á Mörkina, og var ágætis stemmning þar.

Takk fyrir mig...

Lag dagsins: Maus - Without Caution

2004-04-14T22:23:00.000Z

Which Band Should You Be In? by couplandesque
Your Name
Band Name	Sum 41
Role	Guitarist
Trademark	Emo Poster Child
Love Interest	Well-Known Actor

Created with quill18's MemeGen 3.0!

Lag dagsins: Sum 41 - Still Waiting

2004-04-13T21:57:00.000Z

TIL HAMINGJU MEÐ AFMÆLIÐ ELSKU SIGGA!!!

Já hún er Sigga á afmæli í dag og er gellan orðin 22 ára. Og tilefni af því eldaði ég dýrindis máltíð (þótt ég segi sjálfur frá). Já ég eldaði þessa fínu nautasteik með rjómasveppasósu, kartöflubátum, maísstönglum og fersku salati, alveg hreint afbragðsmatur. Já Sigga kom heim í gær og færði mér fullt að af gjöfum. Buxur og tvær skyrtur, alveg klikkað flott. Takk kærlega fyrir mig...

Lag dagsins: Búdrýgindi - Sigga-la-fó

2004-04-11T19:20:00.000Z

Gleðilega Páska!

Jæja þetta er fyrsta bloggið mitt úr sveitinni, en ég er einmitt staddur núna heima hjá mömmu og pabba og er að fara snæða páskamatinn. Og svo fékk líka þetta fína Páskaegg frá þeim. En í kvöld verður svo farið á Páskaball á Breiðinni með hinum eiturhressu strákum í hljómsveitinni Á Móti Sól. En að því tilefni er kominn heim til mín á Krókatúnið maður að nafni Pozi en hann er sjálfsagt að borða pylsurnar mínar sem ég átti í ísskápnum og búinn að drekka allan bjórinn minn líka... En allavega þá bíst ég við góðu djammi í kvöld...

P.s. Sigga kemur heim á morgun :)

Lag dagsins: Á Móti Sól - Langt fram á nótt

2004-04-10T19:20:00.000Z

Við vörum við þessum myndum

Já þetta er svona stutt syrpa frá Staffapartýinu á Breiðinni sem var núna síðast liðinn fimmtudag (Skírdag)
Gleðin hófst kl. 19:00 um kvöldið og endaði kl. 6:00 um morgunin. Eftir fordrykkinn (3-4 bjórar) var borinn fram þessi líka dýrindis matur eða eins og hann kallast á frummálinu, Gúllas. Eftir snæðinginn hófust svo skemmtiatriði sem að skemmtinefndin stóð fyrir, og kom ég þar aðeins við sögu því að mér var falið að sjá um gítarspil á meðan þau sungu, og stóð ég mig alveg hreint prýðilega, það sama er kannski ekki hægt að segja um sönginn... en nóg um það. Að loknum skemmtilatriðunum var síðan tilkynnt skemmtinefnd næsta árs, og var ég meðal annars í henni, þannig að framundan er mikil og erfið vinna. Hófst svo drykkjan fyrir alvöru og stóð langt fram á morgun og var fólk í miklum gír og glensi. Svo var farið í partý til Þulla og Guru og djamminu haldið þar áfram.

Annars gengur allt vel hér á Krókatúninu, Sigga kemur heim eftir 2 daga, og það verður nú gott að fá hana heim aftur...

Lag dagsins: Mötley Crüe - Home Sweet Home

2004-04-08T18:18:00.000Z

SKÍRDAGUR

Já eftir smá stund fer ég á Árshátíð Breiðarinnar, og þar verður sko hellt í sig langt fram eftir morgni.... þannig að það er eitthvað sem segir mér að þetta verði ekkert svo skír dagur... Og spái ég því að Sigurður ofsaþambi verði í hópi hauslausra í kvöld þar sem þetta er hans fyrsta árshátíð (en ekki sú síðasta það er ljóst). Að sjálfsögðu mun ég reyna að ná myndum að því þegar hann byrjar að dansa uppá borðum.

Allir sem eru að fara á Sykurbollurnar (Sugababes) í kvöld skemmtið ykkur vel...

Þangað til næst...

Lag dagsins - Love Guru - 1, 2, Selfoss!

2004-04-05T22:31:00.000Z

Ég fékk fína sendingu með póstinum í dag, pakkinn komst ekki einu sinni inn um bréfalúguna. En þarna var á ferð pakki frá Xinu sem innihélt nýjasta diskinn frá Placebo sem heitir Sleeping With Ghosts (Special Edition) og líka nýja DVD diskinn frá Placebo sem heitir Soulmates Never Die - Live in Paris 2003. En þetta allt vann ég síðasta fimmtudag, góður... Svo á laugardaginn fékk ég líka afhentan Placebo miðann minn sem Sveinbó keypti handa mér, takk fyrir það.

En annars var helgin fín, náði hápunkti á laugardagskvöldið þegar ég kíkti á sambýlið og horfði þar á Söngkeppni Framhaldsskólanna og hafði þar bjór við hönd, og var það reyndar nauðsynlegt á meðan sum söngatriðin voru framin í beinni útsendingu. Stigagjöfin okkar virtist vera nokkuð góð og voru annað og þriðja sætið okkur að skapi en skólinn sem vann (man ekkert hver það var) hann var ekki að virka í þessu partýi, þannig að við fórum fljótlega á Mörkina eftir það. Það voru nú ekki margir þegar við komum en fljótlega fór fólkið að streyma inn. Stemmning var fín og voru menn hvergi nærri því að vera á þeim buxunum að hætta þegar fólk var rekið út á lokunartíma. Sjálfur tók ég hálfa gardínu með mér þegar labbaði út en hún festist í hurðinni. Sambýlið var kjörinn staður fyrir eftirpartý á þessari stundu og á röltinu þangað fæddist hin geysiskemmtilega "rugl.is" keppni hjá okkur Gummó, t.d. banka á hurðir og rúður, dansa í kringum ljósastaura, stökkva uppá rafmagnskassa (og niður aftur) og fela sig í ruslatunnum. Þegar við komumst loks á sambýlið tók átkeppnin við, og borðuðum við m.a. tómatsósu, steiktan lauk, sterkt sinnep, eldhúsbréf og tréspæni. Að lokum var keppt í hárgreiðslu keppni, og komu eyrnapinnar og hárfroða þar mikið við sögu. Að þessu loknu var spilað á gítar og sungið og sjálfsagt eitthvað fleira sem ég man ekki eftir. Þokkalegasta skemmtun, og var kannski nokkurnskonar upphitun fyrir Árshátíðina á Breiðinni (Staffapartý Breiðarinnar) sem er á Skírdag, og þá verður sko tekið á því allsvakalega...

Svo verð ég að segja ykkur að kötturinn minn er samviskulaus fjöldamorðingi... því að þegar ég kom heim í dag þá var dauð mús á gólfinu í svefnherberginu og blóðslettur hjá henni, þannig að ég á eftir að sofa með opin augu í nótt...

Og svona í lokin þá vil ég óska Sindra til hamingju með það að hafa komist í Leiklistarskólann í Danmörku. (De Danske leikskule) Til Lykke!

Lag dagsins: Modest Mouse - Float On

2004-04-02T21:45:00.000Z

Heavy metal maður!

Dagur 2 runninn upp og reyndar langt kominn og enn er allt í góðu hérna þótt svo að Sigga sé í Dansksepølseland. Heyrði aðeins í henni í dag og þá var hún stödd á einhverju kaffihúsi að drekka bjór...

En gott fólk, nú ætla ég að skúbba, því að Metallica er að koma til Íslands og munu spila fyrir landann þann 4. júlí (Placebo er 7. júlí). Og jafnvel að Slipknot hiti upp fyrir þá, en þeir verða að túra með þeim. Þetta er nú ekki sniðugt lengur...

Lag dagsins: Metallica - Nothing Else Matters

2004-04-01T21:37:00.000Z

1. apríl!!! þetta er ekkert gabb...

Jæja gott fólk...
Þá er Sigga farin til Danmerkur ásamt honum Lúlla, og ætla þau að gera honum Sindra lífið leitt næstu 12 dagana. Og verður sennilega mikið um smörrebrauðs át á þeim og því skolað niður með einum (eða fleiri) öl. Þannig að nú eru það ég og Bassi sem ráðum ferðinni hérna á Krókatúninu.

En já núna er það orðið klárt að ég er að fara á Pixies og Placebo tónleika... jíbbí!!! þetta verður rosalegt, og vil ég nota tækifærið og þakka honum Sveinbó fyrir að standa í röð og kaupa miðanna.

Svo eru úrslitin í körfunni byrjuð og Snæfell vann fyrsta leikinn í kvöld á móti Keflavík 80-76. Gott mál.

Lag dagsins: Placebo - Bulletproof Cupid

2004-03-25T21:40:00.000Z

Komin til baka frá helvíti...

Jæja gott fólk ég er heill á húfi, ég er ekki bráðnaður í einhverja járnblöndu en það munaði mjóu í gær. Ég var nebbla að vinna inní einum ofninum (nánar tiltekið Ofn 2) í Járnblendinu á Grundartanga í gær og langt fram á nótt (19 tíma vinnudagur þar á ferð). Ýmyndið ykkur að vera að vinna á eldfjalli og reyna að vera smíða eitthvað þar, það er ekki spennandi tilhugsun, eldur og reykur í kringum mann, hmmm freystandi vinnuaðstæður ekki satt.

En snúum okkur þá að öðru... nú er víst orðið ljóst (fyrir löngu) að Violent Femmes koma til Íslands og halda tónleika á Broadway sumardaginn fyrsta, 22. apríl. Miðasalan hefst 29. mars í 12 Tónum og kostar miðinn 3000 kall.
Og svo einnig eru skallapoppararnir í Deep Purple að koma og sennilegt að Uriah Heep spili með þeim líka, þann 24. júní. En þetta er í annað sinn sem Deep Purple kemur til Íslands en þeir komu líka árið 1978 að minnir (en hvað veit ég, var ekki einu sinni fæddur þá) Svo var það víst í DV í dag að U2 myndu koma á næsta ári (2005) en það er nú svo mikið bull í DV að ég trúi ekki einu sinni dagsetningu á blaðinu þannig að...

Svo vil ég óska Snæfellingum til hamingju með að vera komnir í úrslitin í körfuboltanum, en þeir hentu Njarðvíkingum útúr keppninni 3-0 með sigri í kvöld 91-89

Og í lokin vil ég minna á að tónlistarmaðurinn, gleraugnasafnarinn og homminn Elton John er 57 ára í dag

Lag dagsins: Elton John - Nikita

2004-03-22T22:00:00.000Z

Ég hef ekki komið síðan í threesome-inu áðan...

Helgin er að baki og líka þessi fína helgi... Á laugardaginn átti ég nottla afmæli og hélt uppá það með öllu tilheyrandi og splæsti í partý hérna á Krókatúninu. Gestirnir voru að mestu leiti Íslendingar en glöggir menn komu auga á nokkra Norðmenn inn á milli, og svo var líka einn hálf Englendingur... Gleðin byrjaði rólega en tók fljótlega flug og var glaumurinn ógurlegur á tímabili. Eftir að hlaupstaupin höfðu verið borin fram var ekki aftur snúið.

Sumir gengu meira að segja það langt að syngja í karaoke. Einnig voru ýmsir aðrir samkvæmisleikir stundaðir. Svo voru hin geypivinsælu Shakeshots (kinnasveiflan) í hávegum höfð. Sumir voru ekki alveg með á nótunum á meðan aðrir blómstruðu á þessum vettvangi.

Eftir að allir höfðu hrist flösuna úr hárinu og slett munnvatni upp um alla veggi var haldið á Breiðini til þess að tjútta við vini og vandamenn við undirleik frá SSSól, já gömlu mennirnir stóðu sig bara vel. Fljótlega kom í ljós hver hefði verið valin Fegurðardrottning Vesturlands, en það var hún Ragnheiður Björnsdóttir (en hún er einmitt systir hennar Bergþóru sem er konan hans Robba bróður)

Ballið gekk með ágætum og voru margir drykkjumennirnir þar saman komnir, þar á meðal Sigurður sótsvarti. Eftir mikið djamm og djús (og myndatökur, hátt í 200 stk.) var svo haldið aftur á Krókatúnið og þá í smá norskukennslu, og var það hann Gjermund (sagt Jermun) sem sá um það allt. Eftir það var mannskapurinn orðinn lúinn og héldu allir til sinna heima (nema Guðrún sem crashaði hjá okkur) En áður en við (ég og Sigga) fórum að sofa vildi Sigga nú fá sér að borða og sendi mig í eldhúsið til elda þar innbakað svín í osti (grillaða skinkusamloku) þegar ég loks kom með herlegheitin inní rúm var Sigga hins vegar löngu sofnuð og rænulaus. Ég lagðist uppí rúmið með diskinn og borðaði mína samloku, eftir það lagðist ég til hvílu... en eftir ca. tvo tíma vaknaði ég aftur í öllum fötunum og ofan á samlokunni hennar Siggu, gerði nú ekki mikið mál úr heldur fór bara úr fötunum, fjarlægði samlokuna og hélt svefni mínum áfram.

Sunnudagurinn fór að mestu leiti í að taka til eftir partýið (á meðan Sigga var á leiklistarnámskeiðinu) Og svo um kvöldið var komið að fyrsta matarboðinu í Matarklúbbnum Gýpu og var það haldið í Stúdentagörðunum hjá Svandísi og Olla. Þau elduðu þessa dýrindis kjötbollur og spaghetti. Þau brydduðu uppá skemmtilegum leik og gekk út á það að maður dró miða með nafni einhvers (sem var í matarboðinu) og átti og leika hann á meðan maturinn var. Byrjaði sem saklaus leikur, svo komst Gummó í miðana og þá var fjandinn laus. Og eftir kvöldið voru allir komnir með leynilegan kynlífsfélaga, threesomefélaga og annað sem ekki er óhætt að nefna hér... Svo átti Gummó nokkra gullmola þetta kvöld eins og t.d.
“Þú mátt eiga “bollurnar” mínar Tryggvi...”
“Ég hef ekki komið síðan í threesome-inu áðan...”

Sei sei já og jamm jæja svei mér þá, semsagt fínast helgi, og það er greinlegt að þegar maður er kominn á þennan aldur þá er maður bara nokkuð cool held ég...

Lag dagsins: White Stripes - I Just Don't Know What To Do With Myself

2004-03-20T14:20:00.000Z

23 ÁRA!

Ég á afmæli í dag, ég á afmæli dag, ég á afmæli sjálfur, ég á afmæli dag!

Í dag á ég afmæli, í dag er gleðin!!!

Lag dagsins: Hemmi Gunn - Einn dans við mig

2004-03-19T21:27:00.000Z

Jæja krakkar mínir... ég ákvað að hafa Bruce Willis sem upphitunarafmælisbarn dagsins fyrir morgundaginn, og hann þáði það boð mitt og satt best að segja þá varð hann nú klökkur þegar honum bauðst það, og hann þakkaði kærlega fyrir sig.

En já á morgun gerðist það, það sem hefur ekki gerst áður, ég verð semsagt 23 ára og það í fyrsta sinn, já sona er heimurinn ótrúlegur... og að því tilefni munu hingað á Krókatúnið streyma múgur (margmenni kemst því miður ekki vegna mikill anna). Þess má til gamans geta að einnig verður fagnað 1 árs afmæli búsetu á Krókatúninu. Tekist verður á í mikilli drykkju og almennum fíflalátum. Aldrei að vita að hinn sívinsæli samkvæmisleikur "Karaoke" verði stundaður þegar líða fer á kvöldið. Einnig er orðið á götunni að hin óútreiknanlegu hlaupstaup skjóti upp kollinum og geri allt gjörsamalega vitlaust og fljótlega eftir það má búast við að allt fari úr böndunum. En þá verður öllum smalað á súperdansleik með hinni síungu hljómsveit SSSól (hvað eru mörg S í því?) Og Guð má vita hvar fólk endar eftir það...

Á morgun á ég afmæli, á morgun er gleðin!!!

Lag dagsins: Blink 182 - The Party Song

2004-03-18T23:51:00.000Z

Hér á að vera blogg dagsins... en það skrapp saman...

Hvað fáið þið í örlagakökunni?

2 dagar þangað til að ég á afmæli, 2 dagar í gleðina!

Lag dagsins: 200.000 Naglbítar - Brjótum það sem brotnar

2004-03-17T23:26:00.000Z

Til hamingju með 24 ára afmælið Oliver Claxton! Þótt maður sé orðin svona gamall þá hættir maður ekkert að leika sér með Mikka mús hanska...
Olli hefur komið víða við... t.d. hér og hér... og hér og jafnvel hér og síðan hér líka

3 dagar þangað til að ég á afmæli, 3 dagar í gleðina!

Lag dagsins: Claxtonbury Band - Keep On Rockin in the Free World

2004-03-16T19:21:00.000Z

Nú þarf ég að fara að ræða við köttinn minn undir fjögur augu, fyrir nokkru fannst henni mjög sniðugt að koma með lifandi fugla inn til okkar, og voru það þá aðallega þrestir (hún er svo klár, því að hún veit að millinafnið mitt er Þröstur). Nema hvað hún hætti því nú fljótlega, en núna grunar mig að hún hafi fært okkur enn eina gjöfina, því að í gær þegar ég var að taka til og ég tók upp íþróttatöskuna mína þá fann ég frekar vonda lykt, og þefa ofan í töskuna og þvílíkur viðbjóður sem ég fann. Það gat ekki verið svona mikil svitalykt í töskunni enda var hún tóm, en svo tek ég upp spjaldið sem er í botnum og þar blasti við þessi líka steindauða mús og svona vel lyktandi í þokkabót... ooooj....

En já fékk í dag með póstinum Greatest Hits diskinn með Guns N' fucking Roses sem ég vann á X-inu í gær, og meira að segja 2 límmiða í kaupbæti, takk fyrir það Matti!

Svo verð ég bara að hrósa nýja sóló disknum, Shadows Collide With People, frá John Frusciante, sem var að koma út,(gítarleikara Red Hot Chili Peppers) en hann fær hjálp m.a. frá þeim Chad og Flea úr RHCP en um söng og gítarleik sér hann sjálfur. Þetta er alveg drullutussu nettþétt plata, hvert lagið á eftir öðru flottara og melódískara, mæli hiklaust með henni fyrir alla unnendur tónlistar :)

Fuck shit asshole...

4 dagar þangað til að ég á afmæli, 4 dagar í gleðina!

Lag dagsins: John Frusciante - Water

2004-03-14T23:32:00.000Z

Usssssss.... ég hef nú bara ekki vitað annað eins, Sigga er farinn á fyllerí og það á sunnudagskvöldi, nú þarf ég að fara athuga blóðmagnið í áfenginu á henni. En hún á nú sossum skilið að detta í það, jafnvel á þessu tíma, því hún er búin að standa sig svo vel sem yfirmeikari í Kardimommubænum sem NFFA settur nú upp um þessar mundir. Og svo fer Gummó víst á kostum sem Soffía frænka. Og þær eru semsagt núna í frumsýningarpartýinu.

Svo verð ég að segja að nýji diskurinn með Vines (sem heitir Winning Days) er bara helvíti góður, ég er búinn að renna aðeins yfir hann og fylgja þeir sínum fyrsta disk vel eftir. Reyndar kemur þessi diskur ekki út fyrr en 23. mars, en þeir sendu mér nú eintak til að hlusta á og dæma hvort þetta væri útgáfuhæft, og jú, ég er búinn að gefa grænt ljós á þetta allt saman.

Og það er enginn annar en Albert Einstein sem á afmæli í dag (orðinn 125 ára, eða hefði orðið það) en hann fattaði uppá afstæðiskenningunni sem er E = mc²
En nú er tími til kominn að smella sér í draumalandið...

6 dagar þangað til að ég á afmæli, 6 dagar í gleðina!

Lag dagsins: Vines - Ride

2004-03-13T17:04:00.000Z

Skellti mér borg höfuðsins í dag til að versla nýja harðann disk í tölvunna því að hún er að fyllast af einhverju drasli og því þarf meira pláss, en nóg um það. Nema hvað að í þessari ferð minni þá fór ég í Limalindina og þegar ég var búinn að labba þar örfá skref tók ég eftir því að annar hver maður (og kona) var með Topp í hendinni... hmmm var þetta tilviljun? Nei svo var nú ekki því að þegar ég var kominn aðeins lengra inn þá var verið að gefa hálfslíters Topp í massavís, og greip einn með mér svona til að vera hipp og cool eins og allir hinir. Og svo fylgdi með happdrættismiði og í vinning var úttekt í Topshop fyrir 100.000 kall takk fyrir, en ég nennti ekki að bíða eftir því að það yrði dregið út. En alltaf þegar einhverjir eru að gefa eitthvað þá eru það gallaðar vörur og í þessu tilfelli var það of mikið gosmagn í flöskunum. Því þegar ég ætlaði að opna flöskuna og svala mér á Toppnum þá frussaðist allt útum allt. En ég tók þessu að sjálfsögðu með jafnargeði (grítti flöskunni inní Debenhams og hljóp öskrandi inná klósett). Þegar ég kom þaðan náði ég mér í aðra flösku og lét á engu bera. Og þá var líka byrjuð tískusýning þar sem keppendur í Ford Stúlkunni 2004 sýndu fatnað (eða ekki) frekar lítið spennandi, alltof þvengmjóar stúlkur fyrir minn smekk, þannig að ég ákvað bara að koma mér út áður en ég gerði eitthvað meira af mér.

Svo fékk ég Jet diskinn minn með póstinum í gær, helvíti góður gripur þar á ferð!

7 dagar þangað til að ég á afmæli, 7 dagar í gleðina!

Lag dagsins: Jet – Are You Gonna Be My Girl?

2004-03-11T21:21:00.000Z

HOT DOG!

Jæja loksins hætti að rigna, sem betur fer því að ég var að vinna úti í dag, en það er samt skítakuldi, brrrrrrr....

Frétt dagsins er tvímælalaust það sem Leoncie ásakaði Jón Góða Ólafsson (tónlistarmann) um að hafa reynt að nauðga henni í steggjapartýinu hans þar sem hún var að skemmta árið 1991. Hún sagðist hafa verið að dansa fyrir hann þar sem hann sat á stól úti á miðju gólfi og þá á hann að hafa tekið út typpið á sér og otað að henni, og reynt að nauðga henni eins og hún segir frá... Einmitt, hann ætlaði bara að nauðga henni útá miðju gólfi og allir gestirnir að horfa á á meðan. Djöfull er þetta rugluð kelling og ég skil ekki afhverju er ekki fyrir löngu búið að henda henni úr landi fyrir stanslausar svívirðingar og rasistaásakanir á nánast hvern einasta Íslending, það er bara ekki hægt að lýða svona framkomu til lengdar. Hún er snarklikkuð og með ofsóknarbrjálæði... ussss en nóg um hana.

Hey svo vann ég diskinn með Jet sem heitir Get Born í dag á X-inu (hey og Gunni líka, hann er að verða helvíti góður í þessu líka...)

9 dagar þangað til að ég á afmæli, 9 dagar í gleðina!

og svona í lokin vil ég óska Bobby McFerrin til hamingu með 54 ára afmælið... takk fyrir mig elsku pungarnir mínir

Lag dagsins: Bobby McFerrin - Don't Worry, Be Happy

2004-03-10T21:07:00.000Z

Já nei... eða jú... það væri gaman að taka þátt í Íslandsmótinu í Jalapenjo-áti sem veitingarstaðurinn Uno stendur fyrir (muniði eftir Uno spilinu), þarf að éta 1 kg af Jalapenjo, maður færi nú létt með það!
Annars ekkert að frétta... sama skítaveðrið

10 dagar þangað til að ég á afmæli, 10 dagar í gleðina!

Lag dagsins: Foo Fighters - Darling Nikki

2004-03-09T22:00:00.000Z

Jæja djöfulsins skítaveður er búið að vera síðustu daga... algjört vindrassgat!
Jæja, ég og Trukkurinn skemmtum okkur konungulega í dag í vinnunni. Við vorum staddir uppá Smáraflöt að plasta hús að innan og hefur önnur eins plöstun ekki sést síðan ég veit ekki hvað. Fengum fullt af gestum, t.d. Gjatta og Gutta, svo einhverjir séu nefndir. Ég kom með Gettóblastmaster 2000 FX og gátum við heldur betur poppað okkur, og hlustuðum við á hreint dýrslegan geisladisk sem ég lumaði á og færði Sigurði að gjöf. En þetta var diskurinn Where's My Destiny með stórsnillingunum í Beaten Bishops, og ef þið vitið ekki hverjir það eru þá vitið þið nú ekki neitt.

Frábært að Man. Utd. skulu hafa dottið útúr Meistaradeildinni í kvöld og að Chelsea komst áfram, til hamingju með það Eiður þótt að þú hafir nú ekki fengið að spila en þú veittir gríðarlegan móralskan stuðning á bekknum.

Svo er ein gáta í lokin sem ég heyrði í dag...
Hvað kemur að fjallinu á fjórum fótum, fer upp fjallið á 2 fótum og fer niður fjallið á 3 fótum?

Lag dagsins: Beaten Bishops - Follow My Footsteps

2004-03-06T19:49:00.000Z

What’s Up Doc?

Úffff... ég ætla að byrja að segja frá því að ofur skutlan hún Pink er að koma og halda tónleika fyrir okkur frónverja í Laugardalshöllinni (10. eða 11. ágúst) og enn fleiri bönd hafa heyrst vera á leiðinni en það er allt frekar loðið þannig að ég ætla ekkert að fara neitt frekar út í það...

En þá er komið að manni dagsins, en það er enginn annar en Shaquille O’Neal, en hann er einmitt 32 ára í dag. Það var árið 1992 sem ég fór út til Orlando, en þá var Shaq valinn fyrstur í nýliðavalinu og einmitt af Orlando Magic, og var nýliði ársins og sona, og vakti hann áhuga minn á körfubolta. Hann skipti síðar yfir í Los Angeles Lakers. Og hefur hann unnið þar meistaratitilinn þrisvar sinnum og valinn MVP og allt þetta. En hann hefur líka komið víða við á öðrum sviðum. Hann hefur meðal annars gefið út 4 rappdiska (gaf reyndar út “Best Of” disk eftir fyrstu tvo diskanna), einnig hefur hann leikið í fjölda bíómynd, m.a. Blue Chips, Kazaam og Steel. Hann hefur líka gert tölvuleiki og hannað íþróttafatnað og var aðal auglýsinga fígúra hjá Pepsi og Reebok á sínum tíma. Einnig kann hann svo sannarlega að klæða sig, þannig að hann hefur nóg að gera kallinn og óska ég honum til hamingju með daginn.

Í gærkvöldi skellti ég mér á körfuboltaleik hér á Skaganum (já það er enn körfuboltalið á Skaganum) en þar áttust við heimamenn á móti Fjölni B. Leikurinn var nú frekar bragðdaufur og var ég að vonast til þess að Skaginn myndi nú vinna síðasta heimaleikinn sinn í riðla keppninni (en þeir eru löngu búnir að vinna riðilinn örugglega og komnir í úrslitakeppnina) en semsagt leikurinn fór 89-80 fyrir Fjölni, enda var Alexander Ermolinskij meiddur og þurfti að fara heim úr vinnunni á föstudaginn, eftir að Trukkurinn hafði gert útaf við hann. Ég fékk að eiga snúðinn hans, því að ég kom inná fyrir Alex og kláraði verkefni hans með Sigga.
Reyndar var ég á gestalista á Kerrang tónleikana sem voru á Gauknum í gærkvöldi með Jarcrew, Mínus og einhverjum DJ-um (annar þeirra var víst gítarleikarinn í Skunk Anansie) ég vann miða á X-inu fyrr í vikunni en ég ákvað að fara frekar á leikinn…

Og svo ég haldi mig nú við íþróttafréttirnar, því að Skagamenn unnu KR-inga í gærkvöldi 3-0 í Meistarakeppni KSÍ eru því meistarar meistaranna 2004. Mörkin skorðu þeir Guðjón Sveinsson, Julian Johnsson og Stefán Þórðarson. Leikurinn fór fram í Egilshöllinni.

Jæja þetta fer að verða fínt í bili, er að pæla í að skella mér í partý til Kirkjubrautarfólksins... en á samt ekki von á því að ég nenni á ballið með Á Móti Sól sem er í kvöld á Breiðinni. Sigga er farinn í bæinn að djamma með stelpunum en ég á ekki von á því að hún slái út röltið okkar Poza um síðustu helgi... tútúlú!

Lag dagsins: Shaquille O'Neal feat. Fu-Schnickens - What's up Doc? (Can We Rock)

2004-03-05T18:27:00.001Z

HERE COMES YOUR MAN!

Já það er ekki nóg með að maður þurfi að fara á Incubus og svo Placebo í sumar, því að fyrst þarf maður að fara á Pixies!! Já enn eitt stórbandið er á leiðinni til Íslands, því að Pixies, sem fyrir stuttu kom saman á ný eftir 12 ára hlé, munu byrja Evróputúr sinn hérna á klakanum og halda tónleika í Kaplakrika 26. maí. Þannig að rokkárið 2004 stækkar enn, og enginn veit hvar þetta endar allt saman. Sjíbbí!

og svona að lokum... hvar getur maður pantað svona trúð í afmælið sitt...

Lag dagsins: Pixies - Hey!

2004-03-04T22:15:00.000Z

Ég var að aðeins að hugsa (já það kemur líka fyrir) um allt þetta krabbameinsvaldandi dót... samkvæmt öllum rannsóknum getur maður fengið krabbamein af öllu í óhófi og þá oftar en ekki er talað um að maður þurfi að drekka heilt baðkar af gulrótarsafa eða borða heilt baðkar af bláu M&M, eða eitthvað í þeim dúr (þó ekki moll) og þá á maður víst að verða krabbameinssjúklingur á háu stigi. Að svo stöddu vil ég aðeins staldra við og reyna að finna rót vandans, og því er ég með kenningu... ég held að baðkör séu krabbameinsvaldandi... hmmm pæling...

Til hamingju Guðrún með 22 ára afmælið!

Lag dagsins: Pink - Don't Let Me Get Me

2004-03-03T20:56:00.000Z

A je to!

Hey hver man ekki eftir þessum snilldar köllum, Klaufabárðunum frá Tékklandi, (komst að því núna á seinni árum að þeir heita víst Pat og Mat) sem voru í sjónvarpinu fyrir sona 15 árum, algjör snilld og ég held að RÚV myndi gera góða hluti með því að endursýna þessa þætti, þeir eru mikið betri en þetta heimska barnaefni sem er núna á dagskrá.

Svo var ég að hlusta á nýja diskinn með Íslandsvinunum í Hundred Reasons sem heitir Shatterproof is Not a Challenge, sem kom út núna 1. mars, og hann er bara nokkuð góður verð ég að segja, mæli með honum ef þið eruð komin með leið á disknum með Leonice... það er klikkuð belja! lesið bara þetta bréf sem hún skifaði Norðurljósum.

Jæja þetta gengur ekki... ble

Lag dagsins: Hundred Reasons - My Sympathy

2004-03-01T19:02:00.000Z

BJÓRDAGURINN!!!

Loksins er febrúar búinn og kominn mars... og enn einn stórdagurinn er í dag, nefnilega Bjórdagurinn, en það eru hvorki meira né minna en 15 ár síðan að bjórinn var leyfður hér á landi (eða árið 1989) skál fyrir því!

Má ég kynna heiðursmenn dagsins í dag, en það eru Sveini sem er 23 ára í dag (að hugsa sér...) og svo Gunni bróðir, en hann er orðinn háaldraður eða 33 ára (stutt í gráu hárin) og fá þeir sérstakar gleði og stuðkveðjur frá mér. Einnig eiga afmæli Chris Webber hjá Sacramento Kings og söngvarinn Harry Belafonte sem gerði það gott á sjötta og sjöunda áratugnum.

Svo var nottla Óskarinn í gær, eins flestir vita og eins ég hafði spáð þá hirti Lord of the Rings – The Return of the King til sín lang flest verðlaunin eða öll þau ellefu sem hún var tilnefnd fyrir og jafnaði þar með met Titanic (1997) og Ben Hur (1959) í flestum verðlaunum. En hins vegar setti myndin met í að ná 100% árangri eða 11 af 11, fyrra metið áttu Gigi (1958) og The Last Emperor (1987) en þau unnu 9 af 9.
Annars var ég bara mjög sáttur við úrslitin, kannski fyrir utan að ég hefði viljað að Bill Murray hefði fengið Óskarinn í staðinn fyrir Sean Penn. Og svo fór Billy Crystal alveg á kostum sem kynnir, og var byrjunaratriðið geðveikt flott. Einnig var mjög fyndið þegar Jack Black og Will Ferrell tóku lagið um þegar þakkræðutíminn er búinn. Svo að sjálfsögðu stóð Berglind "Icey" Ólafsdóttir sig frábærlega í að afhenda stytturnar og afhenti meðal annars styttur fyrir bestu myndina. Þokkalegast skemmtun sem stóð til hálf 6... úff náði rétt að sofa í klukkutíma áður en ég fór í vinnuna. Annars voru við með smá leik í gangi ég, Sigga og Sindri og spáðum fyrir um öll úrslitin, og voru gefin stig á mjög vísindalegan hátt, mest var hægt að fá 110 stig. Sindri var ekki alveg með á nótum en fékk samt sem áður 84 stig, en við Sigga vorum jöfn með 103 stig hvort, nokkuð gott...

Annars bið ég ykkur vel að lifa...

Dag dagsins: Harry Belafonte - Banana Boat (Day-O)

2004-02-29T23:47:00.000Z

HLAUPÁR!!!

Já í dag er stórmerkilegur dagur... og mjög skrítinn því hann skítur víst bara upp kollinum á 4. ára fresti, hann er greinilega með einhverja félagsfælni eða eitthvað, annars er ég frekar á móti þessum degi því að hann setur mars mánuð alveg úr skorðum, allir dagarnir færast aftar, og þar sem ég á afmæli 20. mars þá þarf ég að bíða einum degi meira eftir afmælisdeginum mínum, og hvað þá Sveini og Gunni bróðir sem eiga afmæli á morgun, þann fyrsta.

En annars var það kvöldið í gær sem að við Aron og Sveini gerðum okkur glaðan dag (já eða kvöld) og ákváðum að skoða mannlíf undirheimaborgarinnar ógurlegu. Við byrjuðum rólega því að við vildum ekki láta of mikið á okkur bera í fyrstu og var stefnan tekinn á Ruby Thuesday, eftir að við höfum heilsað aðeins upp á Ruby var hafist við snæðing sem að þessu sinni var gómsæt og safarík Hickory Chicken Sandwich... uuhhmmmm. Okkur fannst vissara að hafa að hafa Ms. G með okkur til að þekkjast ekki. Eftir matinn var svo aftur haldið á Sveinakoti til að fara betur yfir planið. Þar voru ég og Bergur ansi nánir og fórum við vel yfir alla þætti. Næsti áfangastaður sem var fyrir barðinu var Öskjuhlíðin og náðum við að lauma okkur inní Keiluhöllina nánast óséðir, og þar voru við dulbúnir í keiluskóm, þar var fyrsta verkefnið niðurkomið, eða Diskókeila... og þar var enginn smá hasar og þurfti að marg skipta um keilur sökum stórskotahríðar frá þríeikinu ógurlega. Eftir fyrstu umferð stóð ég sjálfur uppi sem sigurvegari, þótt svo að Sveini hafi gert heiðarlega tilraun að vinna en taugarnar fóru með hann í lokaskotinu. Eftir þetta sá ég ekki tilgang að spila af fullum krafti í annari umferðinni, en þá náði Aron að sigra með naumindum og enn og aftur var það Sveini sem gerði atlögu að fyrsta sætinum í lokaskotinu en skapið fór með hann og ekkert gekk... Tölurnar tala þó sýnu máli

Einar – 119 – 74
Sveini – 118 – 76
Aron – 79 – 79

En þá var ferðinni heitið á mun fjölmennari stað, en á þeim tímapunkti yfirgaf Sveini okkur og lét okkur Aron um restina af kvöldinu enda fáum öðrum treystandi fyrir verkefninu. En greinilega var okkur veitt eftirtekt og ekki frá góðum aðilum, en vegna lélegs fjarskiptabúnaðs óvinanna þá sluppum við við skrekkinn enda atvinnumenn á ferð. Því að rétt áður en að við komumst down town þá var framinn hrottaleg árás á bílinn fyrir framan okkur, en eitthvað höfðu þeir ruglast á litum því bíllinn sem var fyrir framan okkur var grár Golf, við vorum á bláum Golf. Bíll ódæðismannanna keyrði svo upp munaði inn í hinn bílinn að glerbrot flugu langar leiðir að elstu menn muna ekki annað eins. Greinilegt að menn virða ekki stöðvunarskyldu. Eftir þetta gátum við Aron haldið ferð okkar óáreittir að mestu.
Stefnan tekinn á Glaumbar, leit ágætlega út og virtist allt með feldu, eftir það fórum á Amsterdam, þar var frekar döpur stemning og eitthvað rútusöngbókaband að spila... sýndist þetta vera söngvarinn í Sixties sem söng með þeim, þannig að við stöldruðum ekki lengi við þar... fórum yfir götuna og pössuðum okkur vel á öllum ökuníðingum. Café Viktor lá vel við höggi þegar yfir götuna var komið, en frekar sveitt stemmning þar og allt fullt af gömlu og skældu fólki. Lækjartorgið tók næst við og ráfuðum þar dágóða stund, ákváðum að stytta okkur leið í gegnum Kaffi Austurstræti í von um að hitta Lalla Johns en hann var hvergi sjáanlegur innan um annarlega ástatt fólkið þar inni og drifum okkur út um hinn endann, hófst þá löng ganga upp Bankastrætið, með smá innliti/útliti í Hressingarskálann. Og áfram héldum við upp Laugarveginn og var kominn tilvalinn tími á fara loks í einhverja biðröð, og var bilröðin á Felix ágætis kostur, þegar inn var komið áttaði ég mig á því að ég hafði verið þarna áður en þá hét staðurinn Sportkaffi og Moonboots voru þá að spila og skemmti ég mér mjög vel þá. Stemmingin var fín á Felix og hefði alveg getað sest þar að. En tíminn var skammur og í millitíðinni áður en við fórum inná Ellefuna kíktum við sem snöggvast inná Nellý’s en jafnsnökkt út aftur, nenntum bara ekki að hanga þar með Skyldi. Já Ellefan var næst og þar hittum við okkar fyrsta bandmann, en þar var staddur Sveinbjörn nokkur Hafsteinsson (eða bara Svenni) og lét hann vel að innliti okkar og var hinn hressasti, en hann hafði þá nýlega rótburstað einhvern bjórdrykkjumanninn í Fússball. Eftir gott skjall þar kvöddum við Svenna og þeystum út sökum súrefnisskorts. Þá var komið að biðröð aftur og áður en komumst í hana hittum við hina og þessa, m.a. Hrefnu Dögg og Valla og voru þau í góðum fíling, en það var ekki mikill tími í kjaftagang því að biðröðin á Sólon var sífellt að lengast og ekki senna vænna og skella sér í hana, en hún gekk nokkuð smurt fyrir sig og fyrr en varir vorum við komnir inn. Þar var stappað eins og á nánast öllum þeim stöðum sem við höfðum komið við á, stemmarinn var fínn og Svali sá um að fólkið dansaði. Og þar hittum við einmitt okkar síðari bandmann, en það var hann Jón Ólafur Jónsson (eða bara Nonni eins og ég kýs að kalla hann) urðu þar ágætis fangaðarfundir enda kominn langur tími síðan við áttum fund. En hins vegar voru menn eitthvað pirraðir þar inni og hófu að lemja á hvor öðrum, en sem betur fer voru þar sérþjálfaðir slagsmálaslökkvarar þannig ekkert varð úr bardaga kvöldsins og allir gátu haldið sinni iðju áfram, hver sú sem hún var. Við sögðum skilið við Nonna, en hann átti þó eftir að koma síðar við sögu, og hröðuðum okkur út. Ekki leið langur tími þangað til að við værum komnir í enn eina röðina og þessu sinni fyrir utan Vegamót, komumst klakklaust þar inn. Einhvernveginn er þessi staður alltof þröngur fyrir mig og maður þyrfti að sleikja veggina til að komast framhjá fólki, en DJ Sóley var samt í góðum fíling sem sólheimaglottið sitt. Jóhannes Ásbjörnsson (Jói í 70 mín. og Idol) virtist allavega skemmta sér vel þar. Eftir þetta var orðinn lítill tími eftir þannig að við létum Hverfisbarinn alveg eftir afskiptalausan. Og kíktum hins vegar aftur á Glaumbar bara til að vera vissir...
Eftir einu pulsu á mann var verkinu lokið og hófst þá leit að Taxa (eða leigubíl) og þá hittum við aftur hann Nonna og sagðist ætla að koma með okkur í Taxa en ætlaði bara að fá sér enn Halim Al bita (Kebab). Þegar við loks fengum Taxa, eftir mikla baráttu við einhverja stelpukind. Bílstjórinn virtist hins vegar ekki vera eldri en 15 ára, en hann stóð sig samt sem áður ágætlega. Leiðinni var heitið aftur til Sveinakots og lögðumst við Aron þar til hvílu og það sem gerðist eftir það skal ósagt látið og lýkur hér með þessari ferðasögu...

Og núna er ég farinn að horfa á Óskarinn, það eru allir mættir eins sjá má hér... takk og bless!

p.s. til hamingu með afmælið allir sem eiga afmæli á þessu hlaupársdegi

Lag dagsins: Liam Lynch - Still Wasted From the Party Last Night

2004-02-28T15:15:00.000Z

And the Oscar Goes To...

Hmmm, skemmtileg tilviljun að sjá þig hér... allavega þá var ég aðeins á spá og spekúlera í Óskarsverðlaununum sem verða á sunnudagskvöld... alltaf jafn ömurlegar tímasettningar á þessum bandarísku uppákomnum, en jæja, ég ætlaði aðeins að spá í hverjir myndu hljóta Óskarinn ógurlega þetta árið, byggt á minni gríðarlegu kvikmynda vitneskju. Ég fer nú bara í svona helstu flokkana sem skipta máli, nenni ekki að spá um hver vinnur bestu listrænu búninga hönnun og eitthvað....

Besti leikari... ég vona að Bill Murray vinni fyrir leik sinn í LOST IN TRANSLATION, kominn tími á gamanleika, enda er Bill algjör snillingur

Besta leikkona... þá skít ég á Charlize Theron fyrir að leika raðmorðingjalessuna í MONSTER, mér fannst hún helvíti góð í þeirri mynd, og djöfull var hún ógeðslega ljót

Besta teiknimyndin... ég segi Brother Bear, ég hef sterkari tilfinningu fyrir henni heldur en Finding Nemo, en þær eru allavega mjög jafnar

Já svo held ég að Lord of the Rings - Return of the King eigi eftir að taka meiri hlutann af þessu, enda á hún það fyllilega skilið, ég verð nú bara svekktur ef hún vinnur ekki allavega 8 óskara af 11 sem hún er tilnefnd í (vona að hún taki alla til að jafna Titanic), og þar á meðal besta mynd og besti leikstjóri...

En þetta á allt eftir að koma í ljós á sunnudags nóttina, við bíðum spennt!

Hey svo eru að fara byrja á Popptíví... tamtatam Tvíhöfða teiknimyndir (svona í anda South Park) og ég hlakka til að horfa á þá steypu...

en allavega þá ég farinn núna, því að það er Boys Night Out (eins og við köllum það) í kvöld hjá mér, manninum með snákinn og manninum með svipuna, og stemmt er að því að sína þessum undirheimarottum hvernig á að parteia!!!

Lag dagsins: Andrew W.K. - Party Hard

2004-02-26T21:48:00.002Z

Gott fólk... nú er rétti tíminn til að fara í kapal, þið munuð ekki sjá eftir því...

Annars var það nú Levi Strauss sem fæddist þennan dag fyrir 175 árum, en hann fattaði einmitt upp á Levi's gallabuxunum margfrægu, en hann deilir þessum degi meðal annars með tónlistarmönnunum Fats Domino, Erykah Badu, Johnny Cash og Michael Bolton...

Annars var það ekkert meira sem ég vildi segja að þessu sinni, skemmtið ykkur vel í kaplinum!

Lag dagsins: Fats Domino - Blueberry Hill

2004-02-25T18:47:00.000Z

ÖSKUDAGUR!!!

Upp er runninn Öskudagur
ákaflega skýr og fagur.
Einn með poka ekki ragur
úti vappar heims um ból.
Góðan daginn, gleðileg jól.
Úmbarassa úmbarassa.......

Já það er greinilega ekki sama Sigurjón og séra Sigurjón... fyrst að Öskudagurinn var í dag þá ákvað ég að æfa upp nokkur gömul og góð lög, t.d. eins og "Smoke on the Water" og "Boom Boom Boom Boom, I Wan't You In My Room" og fleiri slagara og fara um bæinn og reyna að græða svolítið á þessum árlega sið. Ég fór útá bensínstöð, ég fór í Ríkið, ég fór í Nettó en það eina sem ég fékk var gamalt Prins Póló (þetta gamla góða) í Axelsbúð, þeir eiga víst fullann lager af þessu. Það var bara hlegið af mér á flest öllum stöðum, þó aðallega í bankanum og þau spurðu mig hvar ég hefði fengið þennan fáránlega búning (ég var ekki einu sinni í búning, var bara í mínum venjulegu fötum!!!) Svo sá maður þessa krakka útum allan bæ, búnir að krassa framan í sig og ég veit ekki hvað, með drekkhlaðnar ferðatöskur af allskyns varningi. Þessi dagur er greinilega fundinn upp af sjoppueigendum, því þetta er eina leiðin fyrir þá að losa sig útrunnið og ónýtt nammi. Þetta er ekkert annað en misrétti og það á háu stigi! Þetta fer sko í blöðin!

Annars er það að frétta af Siggu að hún er kominn heim eftir aðgerðina og allt gekk þokkalega vel fyrir sig, en hún búin að vera meira og minna sofandi síðan að hún kom heim, þannig að ekki hafa hátt! já ekki MÚKK!

Svo svona svolítið í lokin... ég hef ákveðið að velja Aula dagsins... en það er þessi maður hér!

Og bítillinn George Harrison hefði orðið 61 árs í dag hefði hann lifað, en hann dó úr krabbameini 29. nóvember 2001.

Lag dagsins: George Harrison - Got My Mind Set On You

2004-02-24T20:53:00.000Z

SPRENGJIDAGUR!!!

Og sigurvegarinn er... Sindri Birgisson, þú hefur verið valinn afmælisbarn dagsins!! til hamingju með daginn, nú ertu orðinn 24 ára, þann 24. febrúar... sniðugt :)

Annars hef ég ekki mikinn tíma, því að Paradise Hotel er að byrja og því má maður ekki missa af sko... bús og beibur það verður ekki betra!

Saltkjöt og baunir... túkall!

Lag dagsins: Muse - Megalomania

2004-02-23T22:03:00.002Z

BOLLUDAGUR!!!

Jæja allir orðnir að minnsta kosti 5 kg þyngri eftir daginn af öllu bolluátinu, djöfulsins græðgi í einni þjóð... en það er nú allt í lagi...

Annars hef ég ekkert að segja meira, er bara að pæla í að fara að sofa snemma, það er víst krafa vinnuveitandans að maður mæti á réttum tíma í vinnuna, pfff eru þetta einhverjar nýjar reglur...

Bæbæ... bolla, bolla, bolla, bolla!!!

Lag dagsins: Queen - Fat Bottomed Girls

2004-02-22T18:32:00.000Z

Gleðilegan Konudag kæru konur!!

Ohh say can you see... og allt það sko, Dollaramaðurinn (George Washington) á afmæli í dag er hvorki meira né minna en 272 ára, en hann var einmitt fyrsti forseti Bandaríkjanna á árunum 1789-1797, merkur maður það!

Svo fæddist nú líka stærsti maður í heimi á þessum degi, Robert Wadlow, en hann dó nú 1940 aðeins 22 ára gamall, en hann hefði orðið 86 ára í dag (og sennilega orðinn 8 metrar) en var 272 cm á hæð (úffff)

já krakkar mínir svona er maður nú fullur af fróðleik... ha þetta hefði ykkur aldrei grunað en svona er þetta bara... Hehehe þetta minnir mig á The Office þáttinn sem ég horfði á í gær (með spurningakeppninni) þegar gaurinn fór alltaf í miðju samtali og leitaði af upplýsingum á netinu og kom svo aftur og fór að tala áfram við hinn gaurinn og þóttist vita voða mikið en vissi samt ekkert í sinn haus! algjör snilld, allavega kannski ekki eins fyndið að lesa þetta, en þetta var mjög fyndið...

Annars gerði maður nú voða lítið um helgina, verð að viðurkenna að ég var frekar slappur í djamminu, aldurinn er sennilega að færast yfir mann eða eitthvað, fékk mér bara einn bjór með matnum sem við borðuðum heima hjá Snorra og Ínu, heví góður kjúlli þar á ferð. Þannig að þetta er nú öll drykkju sagan mín þessa helgina, en ég mun bæta þetta upp síðar það er alveg á hreinu, tvö staffapartý framundan og sona þannig þetta er allt í lagi. Svo núna í dag rokkaði maður feitt á æfingu, nýtt lag að fæðast og önnur að klárast þannig að þetta er allt á réttri leið... svo er það nottla hið alræmda kaffiboð sem að Sigga er að halda fyrir vinkonur sínar í kvöld, þannig að það er betra að vara sig að vera ekki troðinn undir í kökuátinu hjá stelpunum!!
Jæja þetta gengur ekki... bless

Lag dagsins: U2 - Sunday Bloody Sunday

2004-02-21T15:41:00.000Z

Nú er um að gera og hafa áhrif í heiminum, því nú er hægt að kjósa um SJÖ UNDUR VERALDAR NÚTÍMANS, þannig að ég myndi ekkert vera að tvínóna við þetta því það eru aðeins 568 dagar eftir af kosningunni, KOMA SVO!

Annars var ég skoða hverjir unnu til verðlauna á Brit Awards (sem fór fram 17. febrúar síðastliðinn) og var það hljómsveitin The Darkness sem vann til flestra verðlauna, en þeir voru með bestu plötuna “Permission to Land” og voru einnig valdir besta bandið og besta rokkbandið. Einnig hlutu White Stripes titilinn besta bandið utan Bretlands. Ótrúlegt en satt þá fengu viðbjóðirnir í Busted tvö verðlaun... fyrir ógeðslegsta bandið og mesta vibba lagið (Crushed the Wedding) djöfulsins viðbjóður! En svo voru það meistarnir í Duran Duran sem hluta heiðursverðlaun að þessu sinni. Annars getiði bara tékkað á þessu hér og séð hverjir unnu tilverðlauna.

Heyrðu svo er stráka og stelpukvöld í kvöld... hmmm spurning í hvort partýið maður fer, það á allt eftir að koma í ljós...
allavega ég er farinn á hljómsveitaræfingu, bæ

Lag dagsins: Darkness - Get Your Hands Off My Woman Motherfucker!

2004-02-20T23:11:00.001Z

Gleðilegan flöskudag! og Kurt Cobain, til hamingju með 37 ára afmælið (hvar sem þú ert...)
Jæja núna er allt að gerast, eins og sagði frá í gær að heyrst hefði að Placebo væri á leiðinni til landsins, og núna er það sem sagt staðfest að þeir munu spila í Laugardalshöllinni 7. júlí n.k. (sem er miðvikudagur samkvæmt mínum útreikningum) og þar mun maður láta sjá sig alveg pottþétt og félagi Sveinbó mun sjálfsagt ekki láta sig vanta heldur.

Aumingja Jón Ársæll (Sjálfstætt fólk), það var víst stungið á dekkin á bílnum hans í nótt, hann hringdi í Tvíhöfða í morgun og sagði eitthvað á þessa leið... helvítis djöfulsins andskotans djöfulsins helvítis djöfulsins andskotans andskotans helvítis djöfulsins helvítis helvítis andskotans djöfulsins djöfulsins helvítis... alveg magnað helvíti...

Svo vil ég aðeins minnast á auglýsinguna frá Café Mörk í Póstinum,

“80’s helgi á Mörkinni. 80’s í bland við það besta frá Diskótímabilinu ásamt því nýjasta í dag. Hver man ekki eftir lögum eins og Wake Me Up, Footloose eða Dancing Queen. DJ Fúsi verður á kantinum með rífandi stemmningu?
Ok ok... semsagt ósköp venjuleg helgi á Mörkinni... þessi lög eru alltaf þegar ég kíki á Mörkina.

Og svona rétt í lokin, horfði á The Texas Chainsaw Massacre í kvöld, þetta er alveg róóóósalegur terror horror perror, á að vera byggð á sannsögulegum atburðum, en það er víst farið ansi frjálslega með staðreyndir þarna, þannig þið þurfið ekkert að óttast þið sem hafið séð hana… þetta er reyndar endurgerð af myndinni sem var gerð árið 1974, og þá var það íslendingurinn Gunnar Hansen sem lék morðingjann (Leatherface)… síðan voru víst gerðar 2 framhaldsmyndir af henni, ætli þær verði líka endurgerðar, aldrei að vita
En allavega ég er farinn á klósettið, veriði sæl...

p.s. 29 dagar þangað til að ég á afmæli :)

Lag dagsins: Nirvana – Son of a Gun

2004-02-19T17:54:00.001Z

Jæja þá er bloggboltinn farinn að rúlla, hver veit hvar hann endar?? Allavega einu sinni sem oftar þá var ég að hlusta á útvarpið í vinnunni með svaka fína vínrauða heyrnartólaútvarpinu mínu, og var með stillt á X-ið, (var orðinn leiður á að hlusta á Lindina og ákvað að breyta aðeins til) nema hvað í dag var Franz Ferdinand dagur (semsagt lög spiluð af nýja disknum þeirra og diskar gefnir til dyggra hlustenda) ég nottla hringdi inn eins og venja er og viti menn, vann eitt stykki disk hjá honum Matta, húrra fyrir því! Og svo kom Gunni August sterkur inn seinna um daginn og vann sér inn disk líka, ekki svo slæmur árangur það.
Svo er það skúbb dagsins: ekki nóg með það að Korn, Kraftwerk og Sugarbabes hafi staðfest komu sína hingað til landsins og ætla halda hér svaka gigg, heldur eru kannski Incubus að koma og spila hér 11. júní, og að jafnvel Hundred Reasons hiti upp fyrir þá! skemmtilegt ef að þetta er nú satt, en ég sá nú einmitt Incubus á Leeds 2002 (og líka Hundred Reasons, sá þá svo aftur á Gauknum síðasta vetur, spjallaði þá einmitt við Larry gítarleikara og fékk hjá honum gítarnögl), allavega þá er mjög spennandi tónleikaár framundan ef þetta er bara byrjunin, svo hafa nöfn eins og Placebo heyrst, þannig að það er allt að gerast!
Og svona rétt í lokin þá er hérna eitt próf fyrir ykkur... (ég fékk 15 af 16 rétt)
takk fyrir mig... sælir!

Lag dagsins: Franz Ferdinand - Take Me Out

2004-02-17T22:12:00.001Z

Komiði sæl

Það er ekki á hverjum degi sem að ný sjónvarpsstöð fer í loftið... enda væru þær þá orðnar ansi margar, en hins vegar koma ný blogg á hverjum degi og þetta er eitt þeirra, glænýtt og beint úr kassanum, en allt er þetta á byrjunarstigi og frekar svona amateur bragur á þessu, en án efa á þetta eftir að slá í gegn!

Takk fyrir mig, og ekki borða mold í morgunmat...

p.s. Til hamingju með afmælið í dag Robbi bróðir!

Lag dagsins: Baltimora - Tarzan Boy